جمع المحاصيل
 

إخواني واخواتي الكرام

السلام عليكم ورحمة الله وبركاته

متواضعة جديدة اضعها امامكم

للعلها تنال رضاكم واستحسانكم

[poem=font=",7,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

******
سبحان ربٍ نزّل الوحي تنزيل=على رسوله والشرائع شرعها

ربٍ حمى الكعبة ومكه من الفيل=اهلك هل الباطل ومكة منعها

ارسل على جيش ابرهة طير ابابيل=ترميه بحجارة وفيله صرعها

ونفس الفتى تأمر. ب بعض الدواليل=ان كان. ما عنها بنفسه ردعها

كم واحدٍ جرّت عليه الغرابيل=من طاعها في غيها ما رفعها

للصقر وكر وللحديا مداهيل=الصقر فوق وذيك مع مجتمعها

والناس كلٍ في طريقه عراقيل =احدٍ سلم. واحدٍ حياته دفعها

وان كان ماتقدر لبعض المواصيل=الكلمة اللي ما تجملك دعها

ترى السكوت افضل لبعض الرياجيل=من كلمةٍ عيبٍ على من بدعها

سقط الكلام وكثرة القول والقيل=كم جر شر وكم علاقة قطعها

اما كلامِ يرفع الراس لن قيل=والبعد عن شوك الكبود وجعها

حتى نقفّل باب عوجٍ مقابيل=ما عاد يرجى فايدة من سنعها

كلمة غشيمٍ من صنوف المهابيل =عيبٍ عليه وتوجع اللي سمعها

ليته تركها ما لحقها بتحليل =والا قبل تأصل لسانه بلعها

والأدمي نهار جمع المحاصيل =يندم على اللي فاتته ما زرعها

اما ندم على دراسة وتحصيل =والا على ثروة نسي ما جمعها

وأكبر ندم ساعة توفى المكاييل=على سجود وركعةٍ ماركعها


[/poem]


************ ****** ****** ****** ******

اخوكم / عبد الله العطافي السلمي

رد: الكلمة اللي ما تجملك
 

الله الله الله


ما اروعها يا ابا عادل


تسلسل عجيب للأبيات ومفردات في منتهى القوه والجمال


كان لي الشرف بأن اكون أول من صافح هذه الشامخه


شاعرنا الكبير

وعميد الشعراء



عبدالله بن وصل العطافي


صح لسانك يابعدي


هذا هو الشعر الصافي وهذه منابعه

مهما عبرت فلن أعطي هذه الفاتنه حقها في الأطراء


حفظك الباري يا ملك

رد: جمع المحاصيل
 

الله الله الله الله

إبداع يفوق الوصف والتصوير

الشاعر القدير

عبد الله العطافي

صح لسانك يا بطل

قصيدة أجتماعيه تعالج الكثير من أحول الناس

فيها حكم وامثله ما يجعلها متفرده بذاتها وشامخة البنيان

اوفيت الابيات وكفيت بهذا الزخم الشعري الرائع

كتبت وابدعت وامتعت

تقبل مروري وتقديري واحترامي

وتحياتي لك

رد: جمع المحاصيل
 

الله الله الله الله

إبداع يفوق الوصف والتصوير

رد: جمع المحاصيل
 

عندما تطّلع على قصيده ذات جوده فاخره

تجد نفسك لاشعوريا تنثر مداد قلمك
شكرااا وعرفاانا لمن صنع هذا الجووده

شكرااا ايه العميد


ارويتنا شعرا

وكعادة الكبار عندمايتحدثون تكون كلماتهم درر


عميييييييييييييد الشعراء
والاسم ماجا من فراغ

اسم على مسمى

وعميد يحتل الاسم بتفرّد


صح لسااانك حتى ترضى ياعلم


تحيااااتي

رد: جمع المحاصيل
 

رد: جمع المحاصيل
 

رد: جمع المحاصيل
 

رد: جمع المحاصيل
 

الاخ الشاعر \ عبدالله العطافي



صح لسانك على هذه القصيده الجزله


معنا ومبنا قصيده احتوت على موضوع


مهم وواقع ملموس بين المجتمعات

ومعالجة بعض الامور الشائعه

بين الكثير من الناس

سلم منطوقك شاعرنا القدير

رد: الكلمة اللي ما تجملك