:ps13:



السلام عليكم ورحمة الله وبركاته


بـارك الله لكم فيما بقي من شعبـان , وبلغكم رمضان , و وفقكم للعمل الصالح, وختم لكم بالعتق من النيران .



إليـكم مع التحيـة ,,




( 1 )

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مَـرّ و زهمني في منامي وفزيت=الصوت صوته والحلايا حلاياه
يا ليلة العشاق ياكم تمنيت=من سلسبيل الحب ترشف ثناياه[/poem]



( 2 )

[poem=font=",6,purple,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هونك ,, ترى بصبعك ماتحجب الشمس=ولا تجمع قلوب البشر في محبْـتك
والمستحيل الثامن ترجّع الأمس=كِبْر و غرور ,, أسباب قاسي كئآبتك[/poem]



( وقـفـة )

[poem=font=",6,green,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وقفه قبل لاينتهي شهر شعبان=يا بايعٍ نفسه ويا مشتريها
فرصه ثمينه بين رابح وخسران=لو فاتتك ياهيه لاتحتريها
كم شخص مات و لفته بيض الاكفان=يا ماتمناها تجيه ويجيها
العشر رحمه , بعدها عشر غفران=والعشر عتق , وليلة القدر فيها
وصلوا على خير البشر نسل عدنان=الفايز اللي سيرته مقتفيها[/poem]





متواضعة جديدة , أتمنى أن تنال رضاكم واستحسانكم ,

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/28.gif" border="none,4," type=0 line=0 align=center use=ex num="0,black""]
يا نخلة القريه .. رطبك اشتاق لأفواه الصيام=كلك وفا ياشامخه , وقلوبنا بك هايمه
لك فوق هام المجد تاج , ولك على صدره وسام=ولك في خفوقي حبٍ أغلى من جميع الأوسمه
اقسم برب البيت لو ماطاب للفكر المقام=لأعلن رحيله وأشطب اسمه من هذيك القايمه
والرزق يا هايل على واحد عيونه ماتنام=مافيه موت بلا سبب , مافيه صحه دايمه
العقل زينه , والأدب والعلم تعطيك احترام=والعدل والأخلاق , من طبع الوجيه الغانمه
معشوقتي .. سجدة شكر لله فالبيت الحرام=ومعشوقتي .. ركعة تهجد والخلايق نايمه
ومعشوقتي .. بنت الأدب والدين عفه واحتشام=ومعشوقتي .. لحظة نزول الموت , حسن الخاتمه
لو نظرة الطرف الكحيل , تخاف من حد الحسام=ماشفتها لاسلهمت , ياويل قلبي حاسمه
[ غدار أعْرْفـَك يابحر ] ,, وشلون تدعو للسلام ؟!!=عزي لمن جارت عليه أمواجك المتلاطمه
يابرق , لا تزعل ولا تجرح مراويح الغمام=ولا تبتسم للرعد من خلف المزون الصايمه
لك حق ياشوك القتاد , تغار من ريش النعام=من علـّم القرطاس تدليل الحروف الناعمه !!
خناجر الحسّاد منثوره تحت جنح الظلام=وحناجر الأزهار في كل الظروف مسالمه
من حَب مسواك الأراك , و حَب مسواك البشام=يحب خطوتها على ذيك الثغور الباسمه
لاصار صمتك من ذهب , مافيه داعي للكلام=أجمل برستيج , و رومنسيه , و لحظه حالمه
يا نخلة القريه .. على ساقيك ياكثر الحطام=أعجاز نخلٍ خاويه , وأرواحنا بك هايمه[/poem]


ودي وتقديري ,

دمتم في حفظ الرحمن ,