|
تعب وشقا
السلام عليكم ورحمة الله وبركاته قصيدة تعب و شقا مرت على خاطري فمررتها لكم اتمنى ان تنال القبول ___ تعبت ادوّر للشقا راحة والاقي له بديل تعبت اطارد كل غيمة واتبع بروق الحيا ما كنّي الا رجل واقف في دروب المستحيل من وين ما وجّه ترجّعني متاهات وغـَيـَا صحرا دروبي تعتبرني فوقها عابر سبيل وانا اعتبرها - لو تجاملني سنة –زيف وْ ريا هذا النخيل يموت واقف ... ما وقف غير النخيل ليت السواني تعْرف ان النخْل لا مات يحْـَيـَا إلى متى ..وانا تساورني شكوك بْلا دليل إن الزمان ليا قسى ما اختار غير الابريا والى متى الحمل الثقيل يشيله الرجل النحيل والى متى يوصف -بليدين القلوب – ا لاقويا لاصار مثلي في متاهات الزمن حطاب ليل ما صاد من ليله سوى جملة جراحات وعيا ما باقي الا يجمع شتاته ويعزم بالرحيل الى الجهات اللي تبدد له شقاء الاشقيا لو ما سكن درب الحياة الا النقاوه و الجميل كان اغلب اللي عاش فيها صار رسل وأنبيا تعبت ادور للشقا راحة والاقي له بديل تعبت اقول إن الوجيه السود ما فيها حيا ،،، وسلا متكم ،،، |
رد: تعب وشقا
اقتباس:
اخي الشاعر جابر السلمي بيض الله وجهك وصح لسانك قصيده رائعه وابداع من شخصك الكريم قصيده في قمة الروعه تحياتي لك واصل الابداع وانت مبدع تحياتي وتقديري نــــــــــــــــــــــــــــــــــــــــــــواف 0000 |
رد: تعب وشقا
الشاعر القدير
الشاعر الخلوق الشاعر المميز جابر صح لسانك ولا هنت على القصيدة الجزلة والمميزة صح لسانك وعلى شانك تقبل إعجابي : عبدالرحمن |
رد: تعب وشقا
طيب القلب صاحب النفس المتواضعه
شاعر وضع بصمه في سجل التاريخ تحاكي الزمن شاعر رسم الابداع بحاسية مرهفه وذوق رفيع ووجدان متاجج بالنقا انه الشاعر ابوطلال ( جابر السلمي ) مبدع ويستحق الاشاده |
رد: تعب وشقا
صحرا دروبي تعتبرني فوقها عابر سبيل وانا اعتبرها - لو تجاملني سنة –زيف وْ ريا لا صحاري في مداك يا جابر بل رياضٌ و زهورٌ و طيور مغرده,, لا يعيا بالحمول قلب جبلٍ مثلكـ,, مثل هذه الأبيات متعبه حقاً يا جابر لأني عارفٌ برحلتها,, واصل الحداء و الهيجنه يا جابر فهناكـ من يستمع و يطرب و كل كريمٍ طروب,, جـــابر الــــسلمي/أجمل خليل,, صحت الألسن/ودّي |
رد: تعب وشقا
صح لسانك قصيدة جزله من شاعر جزل وبقول ان بيت واحد عن قصيدة واسمحلي اختار الى متى وانا تساورني شكوك بلا دليل ان الزمان ليا قسا ما اختار غير الابريا ياسلام عيك قمة الابداع تقبل مروري اخوك/حبيب القايدي |
رد: تعب وشقا
ما كنّي الا رجل واقف في دروب المستحيل من وين ما وجّه ترجّعني متاهات وغـَيـَا صحرا دروبي تعتبرني فوقها عابر سبيل وانا اعتبرها - لو تجاملني سنة –زيف وْ ريا هذا النخيل يموت واقف ... ما وقف غير النخيل ليت السواني تعْرف ان النخْل لا مات يحْـَيـَا الشاعر المبدع / جابر السلمي صح لسانك على هذا النص الجميل بمفردات بها تعابير تنبى عن شاعر له امكانيات شعريه متدفقه متى اراد ان يقول الشعر يعطيك العافيه الله يعطيك العافيه |
رد: تعب وشقا
صح لسانك اخوي جابر
شاعر قدير ومبدع تحياتي لك اخوك صقر النوادر |
رد: تعب وشقا
لاصار مثلي في متاهات الزمن حطاب ليل ما صاد من ليله سوى جملة جراحات وعيا شاعرنا الغالي صح اللسانك واعتلا شانك لله درك ياجابر شهادتي بك مجروحه والله اعجز عن التعبير |
رد: تعب وشقا
اقتباس:
أخي الغالي نواف جابر الحجيري وجهك ابيض يا نواف الروعة تواجدك وقراءتك النص وتشريف اخيك بالمرور العابق بأحرفك شكرا اخي وابشر بي كما تحب دمت غالي لأخيك |
| الساعة الآن 10:41 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع