منتدى سليم

منتدى سليم (http://www.solaim.com/vb/index.php)
-   منتدى القصائد المنقولة (http://www.solaim.com/vb/forumdisplay.php?f=82)
-   -   البارحه وجه .. السماء برق ومـزون (http://www.solaim.com/vb/showthread.php?t=27768)

صابر الصابري 05-24-2010 03:58 AM

البارحه وجه .. السماء برق ومـزون
 

البارحه وجه .. السماء برق ومـزون
واسراب .. جيات السعد .. ماخذتنـي
يمرّني طيف الغـلا صـوت ولحـون
وتنبت .. سنابل .. فرحـةٍ ساكنتنـي
كان البعيد وجابـه الله علـي الهـون
مثل السحابـه .. جيتـه وامطرتنـي
الشوق قيس وخاطري فيـه مجنـون
ومعلقـات .. الوجـد بـه علقتـنـي
من غيبته ضايـق وحايـر ومغبـون
ذكـري غيابـه ضيقـةٍ خانقتـنـي
حتي الضعاف اللي علي الارض يبكون
فـي غيبتـه وناتـهـم عانقتـنـي
ودموع عيني عشقها عشق مجنـون
من وين مـا لقيـت وجهـي لقتنـي
بعده وانـا مابيـن لوعـات وظنـون
اسامـح العثـرات مـا سامحتـنـي
اى والله أن مواصلـه خيبـة ظنـون
للعالم .. اللـي فالقفـا .. حاربتنـي
اللي علي بـاب .. الظلايـم يمـرون
ما طاولوا .. راسي ولا ( كّل متنـي )
كبير . في عيني ومهمـا . يقولـون
يكبـر غـلاه ونظـرتـه ملهمتـنـي
عطر الشجن طهر المطر ضحكة الكون
اللي من احـزان الزمـان اعتقتنـي
عن عثرت الانفس مكـرم ومصيـون
عليـه شيمـات العـرب عاهدتـنـي
ذكرته وصدري من الشوق مشحـون
البارحـه ذكـراه مــا بارحتـنـي
اتخيله فـي داخـل العيـن مركـون
واقولـه تـرى غيـابـك بهتـنـي
تعال . فضفض .. وابتدع كل مكنـون
الليلة .. اشـواق الغـلا . مالكتنـي
اقبل .. وقلبي لك وطن وانت مأمـون
مشاعـري .. بإخلافتـك .. بايعتنـي
واحرث بساتينك علـي كـل قانـون
واقطف .. بلطفك .. ضيقةٍ مهلكتنـي
تعبت أضمنك .. الغلا وانت مضمـون
وعليك .. دورات الزمن .. مربكتنـي
قبلك حياتي يـا غلاتـي بـلا لـون
حتـي مقاديـر الـزمـن خاذلتـنـي
وبعدك ! حياتي ضحك وافراح وشجون
مامرّت الضحكة .. علّـى وهجرتنـي


الـبـارودي 05-24-2010 04:42 AM

رد: البارحه وجه .. السماء برق ومـزون
 


صـابـر الـصـابـري

يعطيك العافيه على النقل الرائع

http://abeermahmoud2006.jeeran.com/545-waiting.gif


تـحـيـاتـي

شيهآنه 05-24-2010 09:57 PM

رد: البارحه وجه .. السماء برق ومـزون
 
صـح لسانـكـ وعــلآ شـانــكـ..

يسلمووو علـى القصيـدة الرأإأإئـِــعــه..
لاهنت وعسـاك على القـوه إن شـاء الله..
وربـي يعطيك العافيــهـ..
بإنتظار جديدك ..
لآ عــدمــنـــــآإكـ..

ودي واحترامي

..

عبدالله العطافي 05-24-2010 10:03 PM

رد: البارحه وجه .. السماء برق ومـزون
 
صابر الصابري
تسلم لنا ياغالي اختيار رايع
الله يعطيك الف عافيه
تقبل
التحايا

عبدالعزيز البارودي 05-26-2010 01:42 PM

رد: البارحه وجه .. السماء برق ومـزون
 


سلمت ياصابر وسلم لنا ذوقك على النقل المميز وصح الله لسان شاعرها

تقبل مروري المتواضع ودمت كما تحب


الساعة الآن 04:05 AM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع



دعم وتطوير استضافة تعاون