منتدى سليم - ((ياجـنس آدم.....خلّــني))

في داخلي جرحن سطا..ماجاني منّـه " سدّنـي"..

مُرّه..سموم(ن) قاتله..والحنظـل اصبـح حاليـه..

قلت آتعزوابـه وانـا.. مـآ أدري إنّـه سلّنـي..

في وجه عذّالـي كمـا ورده بريـح(ن) عاتيـة..

ماجاني بسلوب(ن) خطا.. واقول ذنبـي ذلّنـي..!!

والله يـادرب الخطـا ماعمـري جيتـه هاويـه..

جاني على شوف المـلا..ودّه يجـاري معدنـي.

يوم الطريـق الملتـوي ماشـاف منّـه شافيـه..

وقّف على بابـي زمن..وفكـل درب(ن) حدّنـي..

وارسل جيوشه بالهدا..من كل صـوب وزاويـه..

أتقـن مراحـل كذبته..اليـن صـدّق.. "كِلّنـي"..

وشلون مااصدّق وانـا.. نياتـي دايـم صافيـه..

والله يافـي داخلي...نـزف(ن) ذبحني..هـدّنـي..

من طعنته صـار الحشا...كلـه أماكـن داميـه..

والمشكله..يحلفلهم..مـن كثـر ماهـو حبّـنـي..

حـوّل أراضيـه لسما..لكـن جـذوره دانـيـه..

لو كانت اعيوب البشر في شخص واضح.."شدّني"..

الصدق وحده ينشرى..وانـا لـه اكبـر شاريـه..

بالله وش برجـي بعد..(ياجنـس آدم..خلّنـي))..

دام المراجل ودعت..بعـض النفـوس العاريـه..