منتدى سليم - اهــل دمـع الـع ــين كـل ماطريتــه

يسـتاهل أتذكره ويسـتاهـــل أطريه
وأهل دمـــع العين كلمـــا طريتــه

اعتادت العالم مـــن يمــوت ترثيـــه
وأنا رثيته حــــي .. وحــي ٍ بكيــته

ماهي غريبه غالـــــي ويبكي غالــيه
بس الغريبـــــه كيف بعده قويتـــه

يغيب وابقـــــى فـــي غيابه أحاكيه
يــــــاكثر مـــاأفتقده .. كثر ماغليته

يحسب أنـــــي داله الفكـر ســاليـه
وأنا على عهد الهـــــــوى مانسيتـه

لوغاب بعض النـــاس بالخير نطريـه
والبعض لامــن غـــاب زرته وعنيته

وأنابغيابه فـــي عيونـــي.. ألاقــيه
وبوسط وجدانـــــــي حفر ساس بيته

غالي .. وغــالي وبالغلا من يســاويه
روحــــــي بروحه تعلقت من لقيته

أمـــوت في حبه..ولاتسألـــوا ليه
يمكن أنـــا مدري علــى ما هويته

متمكن بقلبــــي هواه وسكن فيه
لولا النقــا والطهر .. لا ما رضيته