منتدى سليم - ساركوزي وبوش

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/17.gif" border="none,4," type=0 line=0 align=center use=ex num="0,black""]
يالله اللي سمك عرشك على كل العروش=رافعٍ سبعِ على سبع باسطها فراش
عالم اسرار الخلائق وماكان مخشوش=كافل ارزاق البرايا معيش بلا معاش
تجعل الدنيا علينا بمرضاتك بشوش=وتطوي افكار الضلالة واهلها طي شاش
ياهجوس الشعر شوشي وانا بالراس اشوش =انتقي منك الجزيله واجوز عن الخشاش
ادري ان ما كل شاعر لما يطلب يحوش =والمعالي ما تهيا لطالبها بلاش
وادري ان الشعر مفهوم صافي ومغشوش=مثل مفهوم التجاره كسادِ وانتعاش
واشهد ان الشعر بحرِ به السابح يدوش =من جهل فن السباحه رماه الموج طاش
والشعر في غير معنا كلام يدور بوش =لا يكيّف راس مضرم ولا يروي عطاش
تستمع له عالمِ كن اذانيها دشوش =تستمع موجات الارسال والمفهوم ماش
واشهد ان المدح في غير راعيه مخدوش =مثل من يبني عماره على الارض الهشاش
قبل كم شاعر تغنى بناسِ ماتهوش =لوبعضهم رؤس غزلان مافيها عراش
اما انا لاجيت ابمدح تجنبت الدفوش=امدح اللي للمراجل وفعل الطيب حاش
لي راسٍ كل مايسمع الجزلة يشوش= وزاد شاشه يوم يسمع مجال ابوخراش
ابلجِ حاش المكارم على يمناه حوش=كل مايسمع نباها عصب راسه وشاش
انتهض نهضة زعيمِ نطح ميدان هوش =يتبعه تسعين ما حل فيهم عرق لاش
كن في مسهاج طابورهم رمي القفوش =الجراد اللي على الارض قبل الليل اراش
في سنام المجد صالح بنا فله وحوش=بنيها بني المعزه ماهوبني العشاش
امتطاء صهوة جواده على العليا حموش= بين عز وبعد نظرة وحزم وربط جاش
هدة الحر النداوي على الطلع محشوش = هد في برق الدواغر وخلاها طشاش
من صلابة صايده لو ينوش الخرب نوش= جاك متعلق فؤاده على سرع المناش
محرق البن اليماني عدو هيل الحبوش= مكرم اكبار الصواني من افطاح الكباش
من سلايل روس قوم يقودون الجيوش= نصرة للدين والحق مافيها نقاش
زبن من حده زمانه عمى عين اللطوش= والدخيل ان لاذ بهذيل والله مايناش
وفي مجال الشعر والمعرفه يروي العطوش= من ورد هداج تيماء ترك ورد الغشاش
شاعر ينقش حروف القصيد احلى نقوش= نقشة الكوفي ودربي على لوحة قماش
نظمها نظم الجواهر على ربطة رعوش= عيطموس لاغليظه ولاهي بالنشاش
ونثرها نثر البختري على خضر الفروش= عقب سيل وقم نصف الشهر عله رشاش
ماوطاها الا الجوازي ورمسِ للوحوش= وام صالح فيه تاخذلها برا وداش
وحبك معناها يكوش على الشعار كوش =ومن سمعها من هل العرف قالوا عاش عاش
لو سمعها شاعر الفرس ردد خوش خوش= ولو سمعها شاعر الترك ردد اركداش
ولو سمعها مندوفيدي وسركوزي وبوش=وقفوا هيبة وقالوا هذا مليار كاش
ماكسبها بالسوالف ولا دفع القروش = ورث جد وكسب يمنى كذا والا بلاش[/poem]