منتدى سليم - مرثية الشاعر/ حاكم إسماعيل الاذيني

منتدى سليم (http://www.solaim.com/vb/index.php)

- منتدى القصائد المنقولة (http://www.solaim.com/vb/forumdisplay.php?f=82)

- - مرثية الشاعر/ حاكم إسماعيل الاذيني (http://www.solaim.com/vb/showthread.php?t=32353)

مرثية الشاعر/ حاكم إسماعيل الاذيني

هذه القصيدة كتبها الشاعر المتالق / حاكم إسماعيل الاذيني ..... يرثي فيها أبناء عمومته مروان نامي الاذيني وبدر عياد الاذيني رحمهما الله برحمته

الله من همًا تزاحم مزونه ***** قامت تلوح بروق قبله وشامي

ورتص غيم الحزن وسْود لونه ***** في ليلةً خيم عليها الظلامي

من بعد ماجاني خبر ينقلونه ***** قالوا توفوا جعلهم للرحامي

واحد بدر والثاني مايعرفونه ***** بس الوكاد انه معه فالصدامي

في حادثاً مكتوب ماشي دونه ***** فاخر عشرأيام شهر الصـيامي

وضاع الفكر والراس هلت عيونه ***** ودقيت سلف الجيب والدم حامي

قصدي اعرف الرجل قبل إيشلونه ***** وعقب الوصول وشفت ربعي امامي

وشلت اللحاف اللي يتبارق بلونه ***** في موقفاً تهتز من العظامي

أوشفتهم والحزن جرت لحونه ***** وليا بدر ومجاوره ابن نامي

راحو ثنين العز مايفقدونه ***** في حيهم للطيب حطو وسامي

اوطيبهم كل العرب يخبرونه ***** فقدتهم يا ناس فقد الحزامي

لا شك باقي طيبهم يذكرونه ***** يشهد لهم عند الوداع ابتسامي

يالله وسع قبر هم يسكنونه ***** واجعل لهم فالقبر برد وسلامي

القبر جعل الغيث يسقي ركونه ***** ينبت عليه أمن النفل والخزامي

ندعيك ياغافر وراع المعونه ***** تغفر لهم يوم الحساب الختامي

وفجنة الفردوس منزل يجونه ***** وتعمهم رحمتك يوم القيامي

الموت سنه والبشر يدركونه ***** كل البشر قاضين مابه دوامي

الوقت هذا هو وهذي شطونه ***** لابد مايرمي علينا السهامي

واختامها ياحي مالك مهونه ***** اذكر نهاراً ترد فيه الظُوامي

الموت سنه والبنادم زبونه ***** يالله تجعل ذكرك اخر كلامي