منتدى سليم - ماهي غريبة دامت سليم ربعك

ماهي غريبة دامت سليم ربعك
قصيدة للأستاذ مقبول مبارك العرابي بمناسبة إبداع ووقار صقر سليم وتطفل البعض على الشعر
[poem=font=",6,black,normal,italic" bkcolor="skyblue" bkimage="" border="none,4," type=2 line=0 align=center use=ex num="0,black""]
1- سلام ياصقر الشعر والفخر والعز وسليم = ياحر في غير العلا ما يطيب لْه الهدادي
2- ضاري على الجزلات ولْيا بلش حوران ماليم = فاهل المهايط والفقر والحباري والحنادي
3- بعد الصبر يدفن لراع الغثا فالزاد تسميم = وأما تشافى منه والا تردى جال وادي
4- هذا جبل راسي غشاه الحيا من دايم الديم = ماهو بكثبان الفقر والتعري والدوادي
5- هذا طبيب يقرر العزل للمرضى وتطعيم = حتى مرض جن البقر مايعشعش فالبلادي
6- هذاه صقر سليم ومحطم الارقام تحطيم = يقضي على العلة وهو في سنام الضلع بادي
7- ماسلمه شاعر سليم العلم والفخر تسليم = إلا وهو كفون وللشعر من عقبه ريادي
8- واليوم أبو مشعاب وسليم تفخر بالشغاميم = أهل الشعر والطيب والعز والرمي الركادي
9- كم حايزن خلته مزونه من المنشى مراديم = في كل صوبن غيثها للغلا شربن وزادي
10- والدرب واحد والفخر عم كل سليم تعميم = وأهل الحسد مايشقرون العصا والنور بادي
11- ياشعر سلم لي على ربعك السلمان تسليم = اللي لهم قدر ومعزة وقصرن في فوادي
12- وإن شفت من يحتاج ياشعر لك فالناس تعليم = وده لهم ويدرسونه ويبدا بالمبادي
13- لاخير في شعر المهايط وتشويه المفاهيم = ولا التعصب والدجل والتفرق والعنادي
14- دام الجسد واحد وحنا بتقوى الله ملازيم = ياعل كل اعضا جسدنا تحقق لي مرادي
15- والختم مابين الغناوية وبين المعاديم = البرق لاح وللغلا ياصقر نادى المنادي
16- شرواك لأهل الكيف منهل وفخر وطب للهيم = ماهي غريبة دامت سليم ربعك ذاه عادي
[/poem]

+ أرجو من مسئولي المنتدى المحترمين التنسيق وإيصالها إلى من تعنيه –ومن تعنيهم - علما بأنه لايعرفني ولا أعرفه إلا من خلال الشاشة , لكن ذوي المجد والوقار .....لهم حق على الجميع