منتدى سليم - قصيدة رثاء من الشاعر سعود دسم الكلبي في خاله الشيخ معيض ناحي الكلبي "رحمه الله "

قصيدة رثاء من الشاعر سعود دسم الكلبي في خاله الشيخ معيض ناحي الكلبي "رحمه الله "

يالله يالخلاق يامكون الكون ..

نطلبك يا رحمان صبح وعشيه ...

ياواحد له كل خلقه يصلون ...

تسكّنه فالجنه الناعميه ...

جنات عدن منها الانهار يجرون ..

هي منزله يارب بعد المنيه ..

وتفسح بقبره حد ما وصلت مزون ...

ويشوف منزاله في جنه هنيه ...

أستبشروا في دفنه اللي يعزون ..

هلت على قبره مزونٍ عذيه ...

شيخٍ على التقوى موصى ومأمون..

يصدع بقول الحق لو ضد ميه ...

يشهدله القاصي ويشهدله الدون ...

شهادةٍ بالحق ماهي زريه ...

فالدين وألا فالكرم وش تعرفون ...

لاشاف ضيفه فز فزه قويه ...

يذبح سمين الكبش لو كان يشكون ...

ويسوقله كيفٍ من الشاذليه ...

في لازمه يربع ولو كان مبطون ...

خالي طويل إذراع ماشفت زيه ...

وتصّبر اللي فاقدينه ويبكون ...

عياله الفرسان والصيرميه ...

عقب رياجيل على الدرب يمشون ...

والنعم فيكم يارجال الحميه ...

ياعزوتي دايم على العز تبقون ..

من جدنا الاول ترا النار حيه ..

اهل الكرم والجود باسمه يسمون ..

للطيب والعليا تحث المطيه ...

ياربعتي فالمجد دايم تعلون ...

مثل الجدي وسهيل فوق الثريه ...

ياتاج راسي للصعيبات ترسون ...

اخذوا كلام الصدق عهداً عليه ...

والخاتمه صلو عدد ماتطوفون ...

على نبي الخلق خير البريه ...

,, رحمه الله واسكنه فسيح جناته ،،