لا دعاني ابن عمي واجبن علي اجي له
 

السلام عليكم ورحمة الله وبركاته


هذه القصيده القيتها في زواج ابن عمي الاستاذ طارق نفاع عويقل الحجيري 4 / 12 / 1434 هجري


ياهجوس الشاعر اللي كل موقف يحتمي له
يحمي الميقاف مايحسب حساب الجاهليني

لا دعاني ابن عمي واجبن علي اجي له
اعزف اله ابيات شعرن تشبه الدر الثميني

في محل عويقل اللي كل حملن يرتكي له
أرحبو حياكم الله يالرجال الحاضريني

عند شيخن مدته من ماضي الدنيا جزيله
ماتغيرها الليال ولا تغيرها السنيني

مرحبا ترحيب خمس نجوم بضيوف القبيله
حسب عادات الجدود وحسب سلم الاوليني

مرحبا ترحيب وافي يشفي النفس العليله
يفرش البيدا ورود ويذبح الكبش السميني

الدلال الصفر يشبه لمعها سيوفن صقيله
شوفها يشفي ويسعد كل مهموم وحزيني

والحجيري طول عمره مايعرف المستحيله
من شموخه كل صعب وكل قاسي له يليني

سعد من حطه يمينه فالمواقيف الثقيله
والله انه والله انه يدحم بجنبن متيني

قلتها في ليلتن تسوى ثلاث الاف ليله
ياسليل المجد ياذخر الرجال الغانميني

جيت ابارك لك يبن نفاع ياراع الجميله
ياعسى التوفيق فالك كل وقت وكل حيني



محبكم //
عبدالرحمن محمد الحجيري السلمي

رد: لا دعاني ابن عمي واجبن علي اجي له
 

عبدالحمن الحجيري

صح لسانك وكفو يالقرم

انت تحتمي المواقف بدون ادنى شك

قصيدة منبريه مباشرة وفي مثل هذه المناسبات التي

يبدع فيها الشعراء

ويحتمي كل واحدمنهم موقفه
فبيض الله وجهك

ولاعدمنااااك

رد: لا دعاني ابن عمي واجبن علي اجي له
 

رد: لا دعاني ابن عمي واجبن علي اجي له
 

رد: لا دعاني ابن عمي واجبن علي اجي له
 

بيض الله وجيهكم ياعيال عمي على مروركم وتعليقاتكم