منتدى سليم - الدنيا

القصيده السادسه عشر للشاعر /سيف عايض

فالذنب اشوف النفس مغموسة غمس

وين العويل اللي من اول وقبل امس

انتي حديتيني على الشوك والشمس

وانا من اول كنت وسط الضلالي

الموت غفله يا كبيرا مغفل

والقبر صندوق وبابه مقفل

والنار للمذنب عذاب مفلفل

رحمتك يالغفار ياذى الجلالي

من بعد ماكنا على الخير ماشين

مرت بنا الدنيا وقالت على فين
حنا الحلا والزين ياطالب الزين

وجابت لنا الاصناف خير وحلالي

صدقتها وانا احسب الدرب سالك

اثره درب الموت درب المهالك

تغريك لين اتعد وش كثر مالك

وانته تبي تفعل فعول الرجالي

لن كان تبغى شي جاتك و خمتك

قالت تعال المال عندي وضمتك

ماتروح عني دام انا اليوم عمتك

واصبحت عندي واحدمن عيالي

حاولت ابعد بس مافيه حيله

ابغى دروب الخير واهل الفضيله

لاكنها مدت حبالا طويله

ياكثرها ياقشرها من حبالي

قالت على مهلك ترى انته مطول

عندي بناخي يعطي الدرب الاول

احذر عن ادروبه تلف وتحول

تراه مايرغب في كثر السوالي

لقيت وانه يقطع ادروب الاخيار

واللي حوالينه ملاحيد واشرار

من يتبعه منهم مافكر فالاذكار

عدوان كل الناس ماني لحالي

والخاتمه ياالله تغفر ذنوبي

ماعاد ابي منها ولو كان ثوبي

سلك لنا يالله كل الدروبي

واجعل ياربي جنة الخلد فالي