|
الطموووووووح
الطموح
(الطموح) السلام عليكم ورحمة الله وبركاته النجاح له أسباب ومن أسبابه أولاً توفيق رب العالمين وثانياً الطموح والطموح يحتاج عزيمه فلا طموح بلا عزيمه ولا عزيمه بلا طموح ومن هذا المنطلق أُهدي هده القصيده المتواضعه لمن يقل طموحهم عن 50٪وأتمنى ألا يكون من بيننا أحداً منهم وهو بالتأكيد عسى أن تنال إعجابكم تاصل طموحك ولاهو مستحيل لا يجيك اليأس يكبح لك جماح النخل يثمر وهو ضلى فسيل كم تصافق به من العجه رياح والتمرلأهل النخل زاد و حصيل ياحلو طعم التمر بعد الكفاح والصبر ماله بديل ولا مثيل بعد شرب الهمج تشرب من قراح إقتدي باهل المراجل لك دليل الفشل لا بد من بعده نجاح الصلابه فالرجل طبعٍ جميل يفتخر فيها على صدره وشاح والمراجل فالزمن طبٍ بديل والزمن يطعن كما طعن الرماح لا تخلي للكسل يمك سبيل نوض مثل الطير كفاخ الجناح ولا تجي للسيل في درب الميسل مايفيدك بعدها جر الصياح الجمل يمشي رقبته ماتميل كود لامنه برك جوف المراح وفالمثل قالو له الحمل الثقيل ولو تعجل في خطاه الحمل طاح ولا تراقب من عطاه الله صميل ورده للمرجله لين إستراح من ترقب للبشر دايم عليل كثرة همومه وقلبه ماستراح ومن تقفا الناس في قاله وقيل كنه أسقاهم من السم الذحاح ماخلقك الله على العالم وكيل نفسك أمرها وعلمها الصلاح ومن يدور عند خلق الله مقيل مثل من يطمع بعدٍ ماه ماح الجميله لو تبي درب للجميل إغتنم دامك على وجه البراح والقنوع اللي يكفيه القليل والطماعه من دواليب الشحاح إحفضوها جودو فيها بحيل الوصيه جايزه شيٍ مباح مقصدي فافيه شيٍ مستحيل ليا ضواك الليل وش بِعد الصباح؟ نفاع عواض السلمي المصدر: منتدى قبيلة حرب الادبي |
رد: الطموووووووح
صح لسانك ولا فض فوك ولا كثر حاسدوك
|
رد: الطموووووووح
الله الله الطموح قصيده رائعه وابيات عذبه تعطي الحيويه والنشاط وعدم الاستسلام لبعض العقبات التي تكون عثره في عدم الوصول الى طموح الشخص صح لسسانك ابا ثامر ودمت ودام قلمك في طاعه الله
|
رد: الطموووووووح
صح لسانك أبا ثامر قصيدة جزلة من شاعر جزل .
لاعدمنااااااك |
رد: الطموووووووح
ابو ثامر
الله الله ابدعت بهذه الرائعة التي طرزت بها صدر صفحة الشعر الشعبي حقيقة هذه القصيدة من اجمل القصايد التي قراءتها لك فبيض الله وجهك ولا عدمنااااك |
رد: الطموووووووح
جزل صح الله السانك
لاعدمنا دررك أبا ثامر |
رد: الطموووووووح
الاخ الشاعر / نفاع الربيقي
صح لسانك على القصيده الرائعه التي توشحت بجمال اللفظ والمفرده والموضوع قصيده تحمل صور شعريه راقيه وجزله سلم فكرك وقلمك ابداع |
رد: الطموووووووح
اقتباس:
صح الله بدنك ورفع الله قدرك لاهنت يالغالي الف شكر على الحضور المميز |
رد: الطموووووووح
اقتباس:
|
رد: الطموووووووح
اقتباس:
صح الله بدنك أبا سامر وماعليك زود الف شكر على المرور |
| الساعة الآن 07:10 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع