منتدى سليم - يا ابن الوطن

يا ابن الوطن
قصيدة للأستاذ مقبول مبارك العرابي
بمناسبة مايكيده الأعداء لوطننا الحبيب ,وتقصير قلة من أبناء الوطن في عدم القيام بالواجب 7-7-1435هـ
1- يا ابن الوطن يا اللي مهمل حلالك
ما عاد تقبل منك كل المعاذير

2- غضك ونومك والجهل وانشغالك
ما عاد له من بعد ذا اليوم تبرير

3- مرت سنين(ن)وأبلج العلم جا لك
ولا انتبهت ولا اعتمدت المحاذير

4- واليومه أما إصْح وتلحًق عيالك
والا تراكم فالبضاعة مخاشير

5- لا تقول ما أدري والعدا جات جالك
هذا تغرر به وذا ينفخ الكير

6- وإن كان ما تقدر تجوًد خبالك
بلغ رجال الأمن قبل المخاسير

7- قبل الندم والكل يرثي لحالك
وتخون دارك بأي حالة وتقصير

8- وكل(ن)يقل يا الخاين السود فالك
وش لون مابك دم مثل المناعير

9- اللي ليا شموا للأعدا مسالك
الدم فار ودمًوا جحارة الفير

10- دون الوطن كل(ن) تشوفه قبالك
مثل النمر والليث والا كما النير

11- وأشبالهم ماهملوها همالك
ولا حولها طمعات للثعل والفير

12- كل(ن)يقل يادار حنا فدا لك
وكل(ن)على الأعدا ليا لاحوا يغير

13- وكل(ن)يقل ياهيه جود خمالك
الكل منا رجال للأمن والخير

14- يا ابن الوطن يا اللي مهمل حلالك
ما عاد تقبل منك كل المعاذير