[poem=font="traditional arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
لا تنزفيني مابقى فيني جروح=ولاتنتشيبي مابقى بي عباير
انا مجرد حلم وشوية طموح=وحتى طموحي عانقته الخساير
جسمي نحل والروح ماعادت الروح=والحب بعته واستراحت ضماير
بعيش ليله تبكي الشعر وتبوح=للصبح يوم انه يسوق البشاير
وتهديه وردة شوق وتنقش على اللوح=تستاهل الورده وكل الزهاير
هذا انا بعيش ايامي واروح=وابعد عن دروب الشقا والعساير
وقبل الرحيل اكتب عباره وبوضوح="الحب كسرٍ ماتفيده جباير"
كله مجرد حلم وآهات وجروح=وكله طموحٍ عانقته الخساير
وكله الم عايش على الدمع والنوح=وكله وداعٍ منتشي بالعباير
[/poem]
محمـــد حــامد الحجـــيري .....