هذه القصيدة أحدى قصائد الشاعر / سعود بن جمعان المطيري
يقول الشاعر
بعدك عن اللـي مايعـزك معـزه
وصدك عن اللي يعتنيبك رداء منك
اللـي يعـزك لازم انـك تـعـزه
وتعلن معه طول الليالي تضامنـك
وأن كان في لازمك عجـلٍ مفـزه
أكبر خطيه فـي لزومـه تهاونـك
الصاحب اللي صحبتـه بـس رزه
مثل العدو اللي قبل ساكـتٍ عنـك
وأهل النفوس اللي قبل مشمئـزه
أبعد ضعنهـم لايقـرب ضعاينـك
وللهرج حـزاتٍ وللصمـت حـزه
ومن لايعرفـك معرفـه مايثمنـك
وأن كان عينك كـل دربٍ تقـزه
أعرف ترى غيرك عيونه تعاينـك
وقد جاراه الشاعر/مطلق شليويح المطيري
بهذه الأبيات :
جاريت قاف الهاملـي يـوم قـزه
ياسعود طاب القاف من طيب معدنك
ياسعود كانك شفت في الوقت هزه
لازم تشوف اللي مع أيمنك ويسرك
والفرق واضح بيـن قلـه ونـزه
وعقلك بعد تمكيـن ربـي يمكنـك
ومـوزع الارزاق ربـي مـنـزه
احدٍ سكن بقصور واحدٍ سكن زنك
وأطيبهم اللـي شيمتـه مستـأزه
هو الرصيد للملاييـن فـي البنـك
وعشق مع أهل الطيب لك فيه عزه
والا الردي بالشيـن لازم يلونـك
وتغانـم الأرزاق والـرزق فــزه
وكثـر التمـادي للهدف مايمكنـك
والصاحـب اللـي كلمتيـنٍ تهـزه
وقت الشدايـد مستحيـلٍ يعاونـك
وترى الضعيف أبليس دايم يـوزه
ومقابلك بصدود يجلب لـك التنـك
والناس واجد وانت عينـك تنـزه
دور رفيـقٍ يرفقعـك مايطمـنـك
نقل موفق اخوي فهد