بسم الله الرحمن الرحيم
السلام عليكم ورحمة الله وبركاته ..
@ الزمـــــــــــــان @
عش كثير وشف كثير ولاتستغربـــــي ***في زمان كل شيء يمكن بــــــه بصيـر
شفتنا منه الهوايل صحيح وأجربــــــي***المنايا أسبابها يقودها سلـــــك الحريـر
قلب خلك ماسك طاعة الله ويش تبـــي***لاتغرك مغريات الدهر ثم تـــــستديــر
لو تخفا ماكتب لك مامنه مهربــــــــي ***أجتهد في طاعة الله وصف لـها الضمير
أترك الي طاعته الله ذا ومذ بذ بـــــــي***لا لذا ولالذولاك في قلــــــبه خـــشيـر
من يطيع الله هو أخير لونه صلبـــــي ***ومن عصا الله طاح قدرة ولونه الأمــــير
منهج التوحيد والحنبليه مذهبـــــــــي ***ماشي منهج صحابه بلال والزبـــــــير
أزاحم أهل الخير في طاعة الله بركبي *** أرجي الي عند رب يـــــــواعدبه فقـير
نحمد اللي حطني مسلم الدين عربــي *** ما جعلني كافر مســكنه في زمهريـر
أنت يالي غرك الوقت عن دينك غبـي *** غافل مير أنتبه ويش لامــــــت بيصـــير
أركان ربك خمسه حطها في مقضـبي *** من مسكها بشره النبـي بكـــــل خــيـر
كلنا عيال آدم وآدم من تريبـــــــــــــي *** وأمنا حوا خلقها الله من الضلع القـصير
ما كواني كون فارقتنا أمي هي وأبــي *** وماكواني كون فارقتنا أخــوي الكبـيـــر
جعل أمي في الجنه يوم حققتلي مطلبي*** مطلبي خدمتناها صــــغــيرا وكـبيــر
أترك الدكتوروأسأل من الناس مجربي*** التجارب برهـــنة ان مجربهـــــا خبيـــر
المعاني وارده جاهزات لطلبـــــــــــــي *** لاوصلتني الأوله قــــمت ارد المستذيـر
رصها وفصالها والله أنه بشــــــــــنبي***في معانيها القويه لاشير ولا أســـــتشيـر
ما عشقت البيض خوفا على عرضـــي لأبـي*** كون بالحلال معشوقتي جـتلي عشير
من المناقيد أحمد الله نضيف سلـــبي *** ما خبرت أحدا نقدني كبر حـــبة شعير
شيء به ربح وشيء راس مالي مكسـبي*** والسلامة راس مالي وشدادي والبعـير
وش أسوي من قريبي قصيري عقربــي *** سمها يلدغ وهي في الخفا وسط الجحير
الرديه من قريبي لكبدي مخلبــــــــــي *** تمزعه لاجات منه مثل ســـهم شطير
يــــــــالله يامطلوب يارب حقق مطلبي***طالبك خفف علينا من حساب عـسيـر
والختام تمام والي قصده مــــــــهذبي *** في زمان كل شيء يمـــــــــكن به يصير
.................................................. .................................................. ...........
أخـــــــــــوكم /..
سـعـود بـن حـسـن الـدوسـري