بسم الله الرحمن الرحيم
[poem=font="arial,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
بين دورات الزمن و بروجه المحكومه = باينت كل الحقايق والحقايق مُرّه
حسبي الله فوق من غيّر عليّ سلومه = كدّر امواج البحر والبر عكّر برّه
احسب انه من رجالٍ في اللقاء زيزومه = واحسب انه ما تعداه الضيوف تمرّه
بس غرّت به على ما قيل بعض علومه = واتضح شيٍ من اول في الكمام يصرّه
بالشهود الأربعه ومثبّت المعلومه = انعرف درب المعنّى بالأثر والجرّه
الحلاوه بعد فحصت سجّلت مسومه = والبلا من صاحب المصنع يريد الدرّه
يا حسايف من تقصّر في الوجوب عزومه = لا الصديق يفرحه ولا العدو يضرّه
الرجال الغانمه باقوالها ملزومه = ما يغيّرها الزمن ونفوسها مسترّه
المعاتب يالنشاما خطوةٍ محسومه = كل تايه عن طريقه للطريق يجرّه
ما عليّه من جيوش سيوفها مثلومه = البس الثوب الجديد وبالزرار ازرّه
انتقي حلو المعاني واكتب المحشومه = وابتعد عن هزلها ومناقش المغترّه
[/poem]
__________________
[poem=font=",6,white,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/198.gif" border="none,4," type=2 line=1 align=center use=ex num="0,black""]
هذا كلام اللي ابد ما يخافي = الا من اللي يحفظ الطير لا طار
من عادتي يا ناس ما انظر خلافي = لو كان من خلفي براكين واعصار
البس مع اصحابي ثيابٍ نظافي = واخوض بالجزلات في كل مضمار
عيني على العليا براس الطنافي = مرقابها ما يبلغه كل صقار
[/poem]
قناة اليوتيوب الخاصه بي