بنت الطحاطيح

[poem=font=",6,black,bold,italic" bkcolor="skyblue" bkimage="" border="solid,4,black" type=2 line=0 align=center use=ex num="0,black""]
عدّيت عدّيت في راس الطويل من الشواهيق = عدّيت من ضيق ماهو من طرب و لاّ تسلّي
ماكر طيور الوحش ما كوثرن فيه الغداريق =في نايف(ن) مستحيز لكل ماحوله مطلّي
اللي حداني على مرقاه جرح(ن) في المعاليق =ماشخّصه لي طبيب(ن) خارجي و لاّ محلّي
أسباب ريم الفلا اللي تعّبت كل التفافيق= تفرق على جولها بالعنق والرمش المظلّي
عمهوجة(ن) وصفها غالب على كل المخاليق=بنت الطحاطيح ماهي بنت رجال(ن) مقلّي
من روس قوم(ن) ليا ركبوا يفكّون المواسيق= يوم انها فوق قُب الخيل وسيوف(ن) تسلّي
الثقل فيها سمه ماهي من الناس المطافيق =ارهي على اللي تبا نفسي واعوّد ماحصل لي
كلامها مختصر قطف(ن) كما قطف الزماليق=اديبة(ن) فالحديث ومستمعها مايملّي
ماكل شخصية(ن) تُعجب بها وتجوز وتليق = نظراتها ثاقبه ما احد(ن) عليها يستدلّي
شفوقة(ن) للقصيد الجزل وعلوم المطاليق = أنا أشهد ان وصفها في جيلها وصف متعلّي
وأنا أشهد ان شوفهاشربه عسل مع فكّة الريق= خصّ(ن) على اللي من الفرقا غدى قلبه معلّي
لكن ربي رماها في قليلين التوافيق = وانا جداي اصفق الكفين عقب فراق خلّي
وجدي عليها وجود اللي بعد ماتوا هله سيق= صوب الحضانه كسير(ن) خاطره دمعه يهلّي
أو وجد شالح ليا سمع المغيرة والملاحيق = من عقب موت الفديع وذيب ما احد(ن) به يطلّي[/poem]

__________________