[poem=font=",6,black,bold,italic" bkcolor="skyblue" bkimage="" border="solid,4,black" type=2 line=0 align=center use=ex num="0,black""]
لو انها بالكيف قلت أبي .. وأبي .. وأبي .. وأبي = لكن فيها فــرّطوا جدّي وجدّك يايبة
حتى أيش لوتفتل شــــنبك ولو فتلت أنا شـــنبي = دمّي ودمّك وش تحرّك بالــدميّ الرايبـــة
في واجبي ماني بمتهـــــاون ولو أحبي حبي = ومن دون حقي والله ان الموت ماني هايبـه
صحيح حنا في زمن شــرّه على الحرّ الأبي = ولـيد يومه من غــده تصبح رموشــه شــايبة
وقـتك هذا متساوية فيه المشــــــــالح بالعبي = لــن النتيجة في النهـاية كلـــبوها خــــايبـة
أهل الترف ماغير ودَ وهات وإخذي وإلعبي =والظلم شمسه ســـاطعة والحق شـمـســه غايبة
بلابل التظـــليل حيلتـــها يصــــدقها الغبي = والا الذكي مايشــــتبه فالمخطية والصــايبة
دام الأمور الجـوهــريـة في يدين الأجنبي = انته وانا رحنا ضحية للســــباع الســــــــايبة
لا بد من يوم(ن) عدو الله يخســـــــــأ ويهبي =والغافل اللي ما درى يدري بعيب العايبة
ولا بد من يوم(ن) يصير النصرلأنصــار النبي = ولا بد من خيبة ظنون أهل الظنون الخايبة
ما عاد هي بالكيف . . .راح اللي نبي واللي تبي = لأن فيها فــرّطوا جدي وجدك يايبة !!![/poem]

__________________