ونفوس لادين .لامذهب ولا ملّة=خرابة(ن) في قفص مخلوق ملتمّة
ونفوس ديكورها مثل أصفر الدّلة=وبطونها تكرمون أسود من الحمّة
ونفوس دون المعزّة تقبل الذلّة=كما هماج القليب مغثبر الجمّة
ونفوس تبا السّنع ومضيعة دلّه=على ماقال المثل تخطيه وتخمّه
ونفوس جزلة ولا تلقى بها خلّة=لكن كسرها الزمان وسمّها سمّه
ونفوس ما فيه مخلوق(ن) تنازّل له=النقص فيها تبا تخفيه بالزمّة
ونفوس فيها الحسد ناره كما الملّة=توّاقة(ن) للنفاق و مجلس النمّة
ونفوس لاهي تزل ولا تبا الزلّة=حروف ماتقبل الكسرة ولا الضمّة

تجارب الوقت لاهل المعرفة غلّة=محصول يلقا الفوايد فيه من لمّة