رد: ديوان الشاعر / جابر السلمي
(15)
لندن فلاش باك
لندن ضباب / و عطر/ وانفاس اغتراب/ و ياسمين
ما تذكرين البدوي اللي عاش فيك ولا نساك
شوفيني اذكر كلما مر السحاب الكلمتين
وحدة تجيب اقصاي والاخرى توديني هناااااك
يسعد صباح (الطرف)و (التايمز)وحي المترفين
(الماي فير) و وهج أنوارك على شرفة مساك
لندن وانا مازلت يا لندن طفل كله حنين
للطيش / لاشجار الكرز/ لمعانقة نسمة هواك
قولي لـ (كُلشستر) صباح الورد والتفاحتين
في خــد بنتٍ وصّلت معشوقها حد الهلاك
اللي ليا هالحين مستني لباص الطابقين
واللي ليا هالحين يتهجى بياض الوجه ذاك!
ما مر في باله سوى الذكرى وحانوتـة (حسين)
ساعةْ وقف مذهول / متلعثم / سعيد / ابْلا حراك
ما فاق غير انه لمس باليد او كلتا اليدين
بالياسمين وْ هو يتمتم Joy is back/ جوي باك
من وقتها نِسْي إغترابه وامطرت دنيااااه لين ...
نبتت سنابل قمح بكفوفه / و زال الارتباك
كان اكثر انسان ايْتَأمل في صباحه حاجتين...
عطر الضباب... و شمس تغزل له باشعتها شباك
و انتي سحابة عطر يا لندن و نفحة ياسمين
صحيح طاااالت غيبتي لكن قلبي ما نساك
وسلامتكم
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER]
[CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER]
[CENTER][URL="http://formspring.me/jaber2010"]:gamr2:[/URL][/CENTER]
|