[poem=font="Simplified Arabic,4,skyblue,bold,normal" bkcolor="transparent" bkimage="backgrounds/22.gif" border="ridge,6,royalblue" type=2 line=0 align=center use=sp num="0,black"]
مدري متى بلقى السعد في حياتـي=وآعيش هاني تالي العمر وارتـاح
لا واهنيه مـن هنـى لـه مباتـي=نايم وقلبه ماتشكـى مـن اجـراح
ياخلـي أللـي تحتشـم بالعباتـي=أصبحت من عقبك بهالدار صيـاح
وين أنت قلي قبـل حـزة مماتـي=تعال وناظر داعي الموت بـي لاح
بين المقام وبين صخـر الصفاتـي=استنشق أنفاسك بنسماتهـا فـاح
مرت سنين وشوفتك هـي مناتـي=والعمر يجري والليالي لهااصبـاح
شابت عيوني والزمـن مايحاتـي=للي تعذب فـي حياتـه ولاارتـاح
الحزن حظـي والسعـد للطغاتـي=والصدق يخسر والكذب يجلب ارباح
عزمي تنازل عن جميـع امنياتـي=ولاعاد باقي فالعمـر كثـر مـاراح
يـارب طالبـك الرضـا والثباتـي=في يوم ماينفع به اصياح وانيـاح
هذاالصحيح أللـي تخطـه دواتـي=والباقي الله والخسـاره بـالارواح [/poem]