[poem=font=",5,black,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/5.gif" border="none,4," type=0 line=0 align=center use=ex num="0,black""] تهب الريح في وسط الشجر ويغرد العصفور=ويبقى الغصن ثابت قوته من قوة جذوره
ونأخذ درس من ظُلم الليالي والحزن والجور=عسى ربي يكافينا الزمان وظلمه وجوره
لنا الله كيف عشنا قبل عهد المصطفى بعصور؟؟!!=بوقت الجاهليه والكفر والغدر وعصوره
قبائل ضايعه في حربها في عتمةالديجور=نعيش أحزاب واعداء وحقوق الدين مهجوره
لكن أرسل لنا الخالق مع الهادي رسالةنور=قضى فيها ظلام الجهل والدين أنتشر نوره
أخذنا للتعامل من وحي رب البشر دستور=وزمان العنصريه والتناحر منتهي دوره
تكاتفنا وصرنا اخوان وأيام الحياه تدور=إلين اليوم في عز ورخاء في ظل أخو نوره
وحنا نجتمع بقلوب وإحساس وهدف وشعور=قبائل بس كتله في جسد مُتناسق شعوره
وهنا بالذات عند سليم والله مانشوف قصور=(سليم المجد) والامجاد فالتاريخ مذكوره
جمعنا صاحب الفكره بوسط المنتدى المشهور=وتبقى رايه التقدير للسُّلمان منشوره
لو أقدم لهم شعري شكر وانثر شذاه زهور=عجز نظم الكلام وماتكفي باقه زهوره
{ياعبدالله }ياكابتن منتدنا بالفعل مشكور=و{ماجد} نائبك له وقفت"ن" جزله ومشهوره
و{جابر} جابر الموقف ماعنده موقف"ن"مكسور=و{ابو فارس} زعيم الراي وأستاذه ودكتوره
وجميع اعضاءالإداره ورد شكري لجلهم منثور= ولكامل طاقم الأشراف .والأعضاء مشكوره
عسى ربي يوفقنا ويجعل ذنبنا مغفور=ويبقى المنتدى شامخ لعشاقه وجمهوره
وعذراً لو حصل مني رُغم جهدي خطاء وقصور=عسى أبيات القصايد لو تزل تكون معذوره
[/poem]

__________________
.