امي للشاعر سعد بن جزاء الميموني

لا والله إلا يابنيه بتبطين
محدٍ بهاالدنيا يساوي غلاء أمي


أمي وأمي ثم أمي وتدرين
حبي لأمي جاريٍ وسط دمي


من غيرها من صغر سني تراعين
من غيرها اللي مشاركتني بغمي


لو يوم تزعل ضاق صدري من البين
لو يوم تشره مت من زود همي


لو يوم تتعب يحترق قلبي إلين
الله يشافيها وانا أقرأ وأسمي


أمي فداها القلب والروح والعين
أمي فداها أخوي خالي وعمي


هذي هي أمي يابنيه وتلقين
كل شئ فيني بالغلاء يفدي أمي


...الشاعر سعد بن جدلان لو تكرمتوا...

__________________
.