سم سم يآ علي و هآذي للشاعر خالد الهطلاني..

راحت وخلت لي دموع ومناديل=خلَت بقايا كحلها في أثرها

خلَتـني في حلق الشقا والغرابيل=أشره على أيامي واعاتب شهرها

تكتبني أقداري بجوف الفناجيل=ماكنت أصدق لين باحت سفرها

من بعدها والأرض تشكي ضما السيل=بغيابها غابت سحايب مطرها

أبعد علي امن الجفا..؟ للمواصيل=لو هي مسافه..خطوتي أختصرها

بنتٍ غريبة تجمع الصبح والليل=في شعرها ليل وصباح ابنحرها

الله خلقها فتنةٍ لاااخر الجيل=عشان من لا يعتبر يعتبرها

قلبي معاها ولا أنا مابدي حيل=مهما تمادت في خطاها عذرها

من ليلة الفرقا..وانا اكابد الويل=اليا ذكرت افراقها أحتضرها

تقول أِشوفك..لابدا مطلع أسهيل=واليوم لي عامين وانا أنتظرها

ماقول أنا مخلوق لجل البهاذيل=راضي على حكم الليال وقدرها

اللي بقى منها دموع ومناديل=وكحلٍ حلف لي ما يفارق..أثرها


-----------------------------------------------------
قصيدة للشآعر الكبير/ عبد الله بن عتقآن السلمي .

ولا هنتوآ على الفكرة الحصرية و الرائعة شكراً لكم ؛؛؛

__________________

,..,.., الجحــاف بن حكيم الـسلـمـي,..,..,