\7
[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياصاحبي خلك معي نقرا على الدنيا السلام=أظنهاماهي بعيد أشوف تاليهاقرب
يقلون هذا شاربه لو يفتله يصلح خطام=واقول وين اللي يسد العلم لو ماهو شنب
تغيرت بعض العوايد والبشر ماهم تمام=والعيب ماهو في الزمان العيب في بعض العرب
الادمي ماله طريق الا على درب الامام= واحد يجنّب عنه ماله عن طريق ابو لهب
يعجبني المسلم ليا منه تثبت واستقام =واعاتب العاقل وانا مالي على الجاهل عتب
اذا أحترمت الناس عند الناس تلقى الاحترام= وان مااحترمت الناس هذي سمها قلة ادب
وابعد عن الثعبان لا يعجبك شكله والقوام = السم في نابه مثل سم العقارب في الذنب
وان ما قدرت تغيّر المنكر وتنهى عن حرام =عليك في نفسك تجاهدها تجمّل في الطلب
والصمت في بعض العلوم يكون خير من الكلام = واذا كلام الرجل من فضه سكوته من ذهب
وجهة نظر مدري نصيحه قلتها وسط الزحام= اماتصيب العظم والاّ ياعساها في العصب[/poem]
\7