[poem=font="advertisingextrabold,6,chocolate,bold,i talic" bkcolor="transparent" bkimage="http://www.solaim.com/vb/mwaextraedit2/backgrounds/73.gif" border="outset,4,sienna" type=1 line=0 align=center use=ex num="0,black""]

يا مرحبا بضيوفنا اللي لفونا=أكبر شرف يوم انهم شرفونا
ومن وقتهم بعض الدقائق عطونا=الله يحييهم تراحيب مليون
هذي لكم ما نتعتبرها ضيافة=حنا لنا فيكم بقي حسافة
تكريمكم ما هو علينا كلافة=أنتم لتكريم الوفاء تستحقون
الله يحييكم تراحيب المزان=من دون أخص افلان وفلان وفلان
حياكم الله والمعازيب سلمان=هذا الصحيح وقولو اللي تقولون
الله يحيكم على العين والرأس=مقصودنا منكم مقابل ومجلاس
والطيب ما بين الرجاجيل نوماس=هذا الصحيح وقولو اللي تقولون
نستعرض الماضي على وقت الأجداد=يوم القبائل بينها شر وعناد
ولا تنفع الجيرة ولا الملح والزاد=لتفه سبب على بعضهم يغيرون
يوم الجهل والخوف فينا طبيعة=ونصرت بعضنا نتخذها ذريعة
وكثير نجهل من نصوص الشريعة=هذا الصحيح وقولو اللي تقولون
مرحوم من وحد كيان الجزيرة=وحكم كتاب الله وقاد المسيرة
وذل عنها اهل النفوس الحقيرة=هذا الصحيح وقولو اللي تقولون
وعياله الأبرار وافين الأشبار=سارو على نهجه بحكمه وتبصار
جنه على الصدقان لخصومهم نار=هذا الصحيح وقولو اللي تقولون
حكامنا ال سعود كسابة الجود=اللي بغير الشرع يرفض ومردود
دستورهم ما فيه عيبا ومنقود=هذا الصحيح وقولو اللي تقولون
قايد مسيرتنا ملكنا المفدى=لطام خشم اللي لحدة تعدى
بالطيب ذكرة في المحافل يعدى=هذا الصحيح وقولو اللي تقولون
ويعيش ابو متعيب مسكت خصومه=يوم الطرابلسي بدا في هجومه
قال انت خلك مع عباد مخدومه=أنته وشكلك ما علينا يهرجون
المملكة دار الكرم والأخوة=وحنا هل التوحيد واهل المروة
هاماتنا تعلو وتشمخ بقوة=يوم انت طول الوقت من دون في دون
أطهر ثرى فوق البسيطة وطنا =واشرف بشر بين المخاليق حنا
حكامنا الشجعان فينا ومنا =هذا الصحيح وقولو اللي تقولون
الجامعة ماهي حسيفة لشرواك=لا عاد مسراحك والا عاد مضواك
كتابك الأخضر كشف عن نواياك=ولاهو بعيد أنك من خوان شارون
انت وشكلك ما عليكم حسوفة= في بلاد ابو عمار ولا كسوفة
اهل الردا مثلك عباد محذوفة=هذا الصحيح وقولو اللي تقولون
عبرت بعض الشي ما هو بكله=والله يعز الدين ويديم ظله
في عهد ابو فيصل ما نشكي مذلة=حكامنا اللي بالشريعة يحكمون
واخر كلام أقولها بالصراحة=لي أرض وابني عليها أستراحة
يا عمدة أنت في يديك السماحة=ولا توسط لي وغيري ما يدرون
أدخلت فالموضوع بعض الطرافة=والمعذرة لن كان فيها لقافة
ولا تعارض مع وجوب الضيافة=المعذرة وأنتم عساكم تعذرون
[/poem]