قصيدة مشاركة بمناسبة زواج
بدر بن محمد بن طمحي الذيابي

[poem=font="advertisingextrabold,6,chocolate,bold,i talic" bkcolor="transparent" bkimage="http://www.solaim.com/vb/mwaextraedit2/backgrounds/73.gif" border="outset,4,sienna" type=1 line=0 align=center use=ex num="0,black""]
سلام في حفلة عيال الذيابي=أهل الشجاعة متعبين الركابي
شيابهم وشيوخهم والشبابي=هذا الصحيح وقولو اللي تقولون
باسمي وباسم سليم حضار وغياب=نقدم التبريك في حفل الأصحاب
أصحابنا الروقة عربين الأنساب=هذا الصحيح وقولو اللي تقولون
يوجد روابط بيننا مالها عد=الدين والتاريخ والدم وازود
يشهد عليها الوقت والكل يشهد=هذا الصحيح وقولو اللي تقولون
مشاركتنا في فرحكم غنيمة=ذا الوقت والا فالليال القديمة
ياللي لكم وزعة وحشمة وقيمة=هذا الصحيح وقولو اللي تقولون
يابدر دامت لك لليال الشادة=شبابنا الصالح يعمر بلادة
وانت من اللي يستحق الشهادة=هذا الصحيح وقولو اللي تقولون
أنت مثل بين الشباب المثالي=لعل تصفيلك بنات الليالي
وتصير قدوة خير في كل حالي=هذا الصحيح وقولو اللي تقولون
مبروك يا محمد زواجة ومنشاه=هذا بدر نور الدجى لا عدمناه
يحفظ كتاب الله ويا طيب مبده=الله يعطي والخلايق يحسدون
ترى سعد جود محل الأمانه=أختار فالشبان عقل ورزانه
والجد والخيلان زايد حصانه=هذا الصحيح وقولو اللي تقولون
يا نعم والله يا عيال الوطيحي=وشهر كلامي باللسان الفصيحي
خويكم في المهلكة ما يطيحي=وامثالكم واجد عساكم تعيشون
الله يحمينا من الشر والبأس=في عهد ابو فيصل على العين والرأس
واخوانه الأمجاد من طيبة الناس= والله يخون اللي لعهدة يخونون
خدمة وطنا يا النشاما فريضة=رغم الحسد واهل النفوس المريضة
ويابلادنا عشتي طويلة عريضة=ولا عاشوا اللي بالجرائم يقومون
أنت وانا والشيخ والطفل والعود=دون الوطن واهل الوطن درع وجنود
لا بيننا يوجد منافق ونمرود=وحكامنا اللي بالشريعة يحكمون
تمت وصلي الله على خير هادي=نبينا سيد الحضر والبوادي
اللي وجودة رحمة للعبادي=المسلمون ان حان ذكره يصلون

[/poem]

الشاعر/ دخيل الله الزحيمي