قصيدة القدس ( 12 )
[poem=font=",6,darkblue,bold,normal" bkcolor="blue" bkimage="http://www.solaim.com/vb/mwaextraedit2/backgrounds/67.gif" border="ridge,3,blue" type=0 line=0 align=center use=ex num="0,black""]
من يعيد القدس ويطهر مقامـــــــــــه= من دعاة الكفر وحماة الرذيـــــــــــله
من لنا في قائد صلت حسامــــــــــــه =يرتكي للحمل لين إنه يشييـــــــــــــله
كود أبو متعب ليا نصب خيامــــــــه =يرفع الراية وحنا في شليـــــــــــــــله
نكسر الباطل وناطى في عظامـــــــه= لين يعرف قدر نفسه وش حصيـــــله
من وقف في دربنا يلقى عدامـــــــــه= بإذن رب العرش نصره ما يجيـــــله
يا هل التوحيد وحماة الكرامـــــــــــه= العدو زود على الميزان كيــــــــــــله
كيف نصبر والبرايا واليتامــــــــــــه= يصرخون بكل يوم وكل ليــــــــــــله
أشعلوها نار من نجد اليمامـــــــــــــه= لين تاصل تل أبيب بشد حيـــــــــــله
ما لهم في قدسنا أمن وسلامـــــــــــه= ما لهم غير الصواريخ الثقيـــــــــــله
ادفنوا دار العدو سبعين قامــــــــــــه= لين ترجع قوته عجفا هزيـــــــــــــله
صبرنا شارف على ستين عامــــــــه= والعدو قدامنا ما فيه حيـــــــــــــــــله
ياعمر درتك غابت في غمامه= امتي متفرقه ويش الوسيله
عدها وأحصائها بليون هامه= في جميع الارض هيبتها قليله
همها حب المناصب والزعامه= مالها همه الى كسب الظويله
ياصلاح الدين ملفوف العمامه= عد لنا بالسيف والخيل الاصيله
جدد التاريخ في عزم وصرامه= قوة تشفي بها الكبد العليله[/poem]