\7
[poem=font="times new roman,6,,normal,normal" bkcolor="transparent" bkimage="" border="none,5," type=2 line=0 align=center use=ex num="0,black""]
تدفق يا شعوري لا تحسب الزود والنقصان=على شان الصحيب اللي تشرفني مديحاته
على وسق الغمام وسوق له من خيرة الأمزان=تباريك وتهاني في مطر ملّي سحاباته
وقول أخوان لو مهما بعدنا عن بعضنا أخوان=ولا غيّر علينا الوقت والبعد ومسافاته
وأنا لو قلت من وقتي كسبت ألوف من صدقان=ترى ما غير عارف دق في قلبي تحياته
معه عشت الصداقه والأخوه في زمن خوّان=ومعه تكبر خصال الطيب والجود وعلاماته
مجوّد منسبه من روس قومٍ في الفعول تبان=بقيلي من عمام ومن خوال وزاد في ذاته
حوى كل المزايا ما نقص والكامل الرحمن=تقول إنه طلب منها تجيه وكلها جاته
كريمٍ طاغي و شهم وعديم و نادر كحيلان=ليا منه نوى يفعل ولا يحسب حساباته
طناخة راس مع باس وشجاعه والفعول سمان=عزيز النفس ما طاح وكلام الصدق عاداته
خوي الروح عز الجنب وافي مكرم الضيفان=دوى للجرح لو الجرح ماتنفع علاجاته
صدوقٍ صادق ودايم على فعل النقا عجلان=وباني بالوفا والعز والطيبه علاقاته
كلامه لا تكلم لو ثواني يفرح الزعلان=فعوله دايم تشرف وبيضا دوم وقفاته
أهنيه بزواجه يا عسى كل العمر فرحان=وتمضي بالسعاده والهنا والحب ساعاته
إلهي يا إلهي يا كريم الوجه يا منان=توفقه وتهنّيه وتحقق كل رغباته
تعينه في حياته لا يجيه الهم والحرمان=وطوّل عمره بطاعه وزيده في نجاحاته
وصلاة الله على الهادي محمد من نسل عدنان=شفيع الخلق في يومٍ عديماتٍ شفاعاته
[/poem]
\7