قبل ما أمشى قلت أكتب

ليكى أنت أيوة أنتِ وأنتِ حاسة وعارفة بنبض قلبى

أيا زائرة القلب غبتى غبتى عنى بس جوا القلب أنت ِ

شربت منك نخب الحب كلة نخب العشق والصدق منة

أسكرنى وثملت فية من غير خمر

هو الشوق فيكِ وليكِ يا عيونى يثملنى يامن عشقتك

حتى أشتكى الحب منى

غيرة منة لأنك أنت جزء منى وأنت عارفة أن روحك هى دمى

أعزرينى لوضاعت حروفى وعجزت عن الوصف فيكِ

سامحينى لو سرحت فيكِ فكل نظرة ليكى أنت بس أنت

ياما عطر حرفك وهمسك ومازال هو شربى

يتكرر ويخرج منة رحيق الحب جوا أيوة جوا فلتر قلبى

لو همستى تشرق شمس القلب فيا وأحيا تانى بعدأن ظننتة فى ممات

أحتضنك ولست أدرى

لم أكن من فبل أعرف يا حياتى أن للشمس بديلاً تشرق بضحكك

بس نفسى أسأل سؤال جاوبينى ياللى أنت قلبى

بس طيب أسألك ولا أسأل نفسى ماقلبك هو قلبى

لية لما أجيب سيرتك .... بجد يدق قلبى ؟

حتى لما أكتب همس أو كلام حلو عنك زى اللحظة دى

يدق قلبى

حتى لو حسيت منك ببسمة او بهمسة تمحى خوفى

وتطمنى عنك يدق قلبى

عارفة لو طال بينا الخصام قلبى يصالحك قبل منى

نبض قلبى كلة ليكِ وكل دقة هى أنتِ

طب لية يا قلبى جوة فى صدرى يكون مكانك

عارفة لية .. جاوبى أنت

ولما يحلالى الكلام بين صحابى أجيب فى سيرتك

وأفضل أسرح بينى وبينك وأحط أيدى عليك أنت

يسألونى هى فين وهى مين

بكل حسى وكل صدقى أفضل أشاور على قلبى

لأنك جوا ساكنة فيا جوا جوا عمق قلبى

عارفة حبى لما يدق قلبك بأحس بية جوا قلبى

لأن قلبك هو قلبى