القصر الذهبي (( 21))
[poem=font=",6,blue,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/67.gif" border="ridge,4,blue" type=0 line=0 align=center use=ex num="0,black""]
يا طالب الجنة ترى البـاب محـروس =محروس من فعـل الخنـا والحرامـي
ما تدخل الجنـة بـلا غيـر نامـوس =ناموسهـا القـرآن خيـر الكـلامـي
أرفع لها رأسك ليـا طاحـت الـروس =وأسعى لها سعي الوحـوش الظوامـي
مفتاحها التوحيـد بالكُتـب مـدروس =كُتب السمـاء دلـت علـى هالكلامـي
حافظ على خمسك ترى الخمس بخموس =خمسين فـي الميـزان تكتـب تمامـي
والشهر صومه لو غدت شمسه شموس =تدخـل مـع الريـان بـاب الصيامـي
وأخرج زكاة الفرض واترك هل البؤس =عبَّـادة الدينـار قــوم الحطـامـي
والحـج لا تنسـاه والحلـق بالمـوس =رأسك نهـار النحـر حلقـه وسامـي
وإن كنت تبي الحور ما هـن بفلـوس =ترى مهرهـن فـي صـلاة الظلامـي
ليا هجـع قـوم المزاميـر والكـؤوس =والغافليـن اللـي قــلال الختـامـي
فرغ سويدا القلب عـن كـل هاجـوس =وأستقبـل القبلـة بقلـبـك تمـامـي
يا حسرة اللي ما دخـل دار فـردوس =واغتـر بالدنيـا جنوب(ن)وشـامـي
ولا فعـل مثـل عطـاءً وطــاووس =والصالحـيـن المتقـيـن الكـرامـي
أهل الفضل والحلـم والعلـم والقـوس =يشهـد لهـا التاريـخ بالاحتـرامـي
ولا دخـل قصـر حقيقـي ومحسـوس =أسرِّتـه أنـعـم لـريـش النعـامـي
حصبائه المرجـان ناعـم وملمـوس =والحور تـرى المـخ بيـن العظامـي
والورد والأزهـار فـي كـل ناقـوس =نعيـم لا يمكـن يصـفـه الكـلامـي[/poem]