أجل وش اللي ترتجي فيّ وارجوه ؟
مادام قربك لي مساوي بعادك !
غيرك كثير الناس قربي تمنّوه
ماقادهم حلمٍ لعب بك وقادك !!
ناسٍ تفي بالعهد ماعمر خانوّه
ياخاين العشره على ويش فادك
كنت اتغاضى يوم يقفاك مشروّه !!
وابرراعذارك من اول مهادك
لاعاد تذكرني ليا جاك مكروّه !
جاهد عن احوالك بقوة جهادك !
مشاعري تقوى على قلب قووّه !!
واصبر على حرٍ مبدد برادك
اللي توجّد ماتوجّد على ابوّه !!
لآ والله الّا من توجّد فؤادك
الليل تسري به هواجيس سروّه
يوم انت متهني وبأحلى رقادك
كل ماتذكر ماضي الوقت واتوه
يومٍ مـاغيـري توسّـق شـدادك !
في ذمّتي ماعاد يلحقك مشروّه !!!
مادام قربك لي مساوي بعادك
الاخ المشرف والشاعر / مشعل مسنع الصادري
شاعر لك حضور مميز وثقافه متفرده دخلت
قلوب الكثيرين من خلال ماتطرحه هنا من
شعر راقي تغوص به في اعماق القراء
لجزالته وحسن اسلوبه
والطرح المميز
لك اجمل التحايا
وارقها واعذبها