اقتباس:
المشاركة الأصلية كتبت بواسطة مشعل مسنع الصادري السلمي
ايفوح ريح الطيب من كم راعيه
ابـو جــدايـل فــايـتاتٍ متـونــه
ياليـتنـي قمرا مع الليل وأضـويـه
واغيب في حضنه عن الناس دونه
ابو رموش مسـلهـمه يوم احـاكيـه
وليا مشى مشيه على الارض هونه
دمه خفيف اعروق دمه ســواقيه
ينشاف دمه من وراء الساق لونه
الله عسى مـن لامني فيـه يبـليه
وتشوف ماشافت عيوني عيونـه
مـن لهـفتي يـانـاس ودي اداريه
واخــفيه بعيـوني عـن اللي يبونه
يشـتـاق قـلبي كـل ماسـمـع طاريه
يهتز في صدري من اقصى ركونه
يـفـرح ليا مـنه سـمـعنـي انـاديـه
وافرح انا من فرحتي طحت دونه
ياناس وش يبقى علـيه واسـويـه
ويصير في كوني وانا وسط كونه
اقـسـم بربي كـل شـيٍ لسـويه
لو يحرق العالم وانا اموت دونه
|
أكلت الجو ابا عبدالله
تستاهل هذا التميز والابداع بل من حق الابداع ان يفرح
بك سيدي ويرقص طربا لمعانقته سماء
كونك الشعري الجميل
صح لسانك مدد بلا عدد وسلم لنا فكرك وبنانك
والله العظيم أستثارتني هذهي القصيده
الشامخه لمعاودت طرق باب
الغزل من جديد فعلا كانت اكثر من رائعه
بل فيها من سلاسة وانسيابية الفكره وجمال المفرده الشي
الكثير فدمت سيدي على هذا الرقي
وتقبل مروري المتواضع
وآآآآلاف التحايا لك
أستاذي الغالي