يا ونتي منها ضلوعي حطاما
السلام عليكم ورحمة الله وبركاته
ما اصعب لحظة فراق الاحبه والاصعب اذا كان بموت احدهم
اترككم مع القصيدة و إن شاءالله تعجبكم...........
يا ونتي منها ضلوعي حطاما
......على عشير بالهوى مات مغبون
شالوه من دار الحيا للعداما
.....ومن الحصى والتراب قاموا يكبون
من عقب مالفوه بقماش خاما
.....قاموا على بيض النصايب ينصون
مات الحبيب ولا لحق به مراما
.....وبالله ياللي تدفنونه على الــــهون
حطوا نفق له عن سواد الظلاما
.....ودي ازوره مثل نـــاس يزورون
واعايده نهار عيد الصياما
.....واقـــــــابله وارضي عيون يحبون
عسى اليا سلمت يرد السلاما
.....واهل الهوى والحب لازم يردون
احساسهم يصدق بليا كلاما
.....وغرامـــهم يبقى ولو هم يموتون
ابي انطوي عند قيره اعواما
.....وش عادلوقال الملا صار مجنون
شبيه خلي فوق كف النشاما
.....حر من اللــــي بالمقانيص يهدون
من اول اكتم حزين الهياما
.....واليوم بــــــاح السد باللي تعذلون
ويلاه كيف الدود يمحي العظاما
.....ياكل جسدمضنون عيني وترضون
ارموا بجسمي مع وفي الغراما
.....هذا العــــــزا ياللي بموته تعزون
يا راحل لدار الرضا والكراما
.....قلــــه عشاشيقك من البعد يبكون
قل له عيون صويحبك ماتناما
.....يسهر وخــــلق الله بقربه ينامون
اما حياة في هنا والتئاما
.....والا ممات اثنين بالعهد يوفون
هيض غرامي نايحات الحماما
.....ظني لهـــــم خل بفقده ينوحون
حياتنا غطى عليها الغماما
.....واجد ليا عشنا مع اللي يعيشون
لا وا حسافه غاب بدر التماما
...تحت التراب احبيب الروح مدفون
لمحمد بن لعبون
لمحمد بن لعبون
دمتم بوووووووووود
__________________
التعديل الأخير تم بواسطة داانة ; 02-24-2011 الساعة 01:57 PM
|