\7
[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
استريحي واطمئني زود يا رعبوبه=وألبسي دائم ثياب الأمن وأغلى حله
يرحم الله من بنا البنيان طوبه طوبه=لين صرتي مضرب الأمثال من فضل الله
مُلك جدّ وزود حب وشوق للمحبوبه=جاك غيث وجاء مطر هتان وأمطر كله
الفلا صارت مزارع والبحار عذوبه =ونبتت بالأمن والإيمان سهل وتله
في ذرى شيخٍ نحبه خلقته واسلوبه=نمّا الافكار السليمة واهلك المعتله
دولة فيها الكتاب وسنةٍ مكتوبه= حكمها على كتاب الله وحسب المله
كلنا من شأنها وقت الوغى وخطوبه= نتسابق نشرب الفنجال فال الدله
ما علينا من وَحَىَ الحِربَاء ونفخ ذروبه=نقطع أنفاسه ونعمي عينه المحوله
ما درا أنا نعرف أهدافه وكل دروبه=وعارفين انه عميل وذمته محتله
كل طامع في بلدنا ما لقي مطلوبة = دونه الموت الحمر ما فيه لعب وفله
كل من جانا يحصّل عندنا ما جوبه=حلق يلقى السيف قدامه وحلق نبله
نوقف الغلطان ثم نعلمه بدروبه=وحين تأصل للوطن ما نعتبرها زله
يا دعاة الشر شيلوا شركم واقفوبه= مالكم في دارنا غير الفشل والذله
أصبعٍ تمتد شر بشرها معطوبه= نقطع الأصبع بدا ونطشها في السله[/poem]
\7