المشاركة الأصلية كتبت بواسطة عبدالله العطافي

[poem=font=",6,darkblue,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/7.gif" border="none,4," type=1 line=0 align=center use=ex num="0,black""]
رد الخفوق اللي نهبته ولا عاد=يطري عليك تحركه من محله
رده ترى يكفي مشاريه وعناد=واليا رجع بين المحاديب خله
خله بصدرٍ فيه صادر و ميراد=من يوم شافك والهنا ما حصله
طبعك غريب وجئت من غير ميعاد=واتعبت شعب ودولةٍ مستقله
من طيّبه الزَائد وثق فيك وأنقاد=واثرك غريب ونيتك تستحله
جئته وبشرتـــه بمقــدار وبــلاد =واليوم كل اللي طلب ما وصله
وما عاد له في ديرة الظلم مقعاد=احســن لــه يعوّد لداره وخله
في ما مضى جئتك على هجن وشداد =وانت تحاسبني على كل زله
واليوم يوم ان الجفاء بيننا زاد =شفني نويت الوي جناحي وافله
لي خافقٍ ما هو على الظلم معتاد =يا صاحبي علم خفوقك وقله
قله ترى عندي مقابيس وزناد=ولو بغيت امسك خفوقك واذله
لكن عند المقدرة طبع الاجواد=وانا كريم العفو طبعه ودله
وان عوّدت بزياد انا اجئك بزياد=واعتى خفوق احرره واستحله[/poem]