المشاركة الأصلية كتبت بواسطة وفيه

روحي لها روحي لها هذي عيون السلسبيل=ردي لها جميلها وانتِ يدينك دافئة
يا بنت انا خابرك سباقة على فعل الجميل=ما تآخذين الا نعم بين الحروف النافيه
عند اللوازم يظهر الباسل ويندس الذليل=وانا اعرف ان الوقت وقتك والنوايا صافيه
ثم اعتزيني في سما النخوة واسوي المستحيل =تكرم عيونك لورمتني في دروب المافيه
بس ارسلي يمي مراسيلك وانا اسبقها دليل =على نوايا تسبق الهقوة وخيلٍ كافية
اطلق رسنها في نحور القوم يسبقها صهيل =واطرد سراب القيظ عن ظل الرموش الضافية
لكن مري لن حداك الوقت انا ماني بخيل =عندي كرم حاتم ومدات اليدين الوافية
من سلسبيل الماء ليا جئتك وفي كتفي صميل =اروي عطش كل الضوامي واشربي بالعافية
وإذا شربتيها من الفنجال هيل وزنجبيل =خليني اكتبها على الاوراق شعر وقافية


ــــــــــــــــــــــــــــــــــــــــــــــــــ ـــــــــــــــــ
مرااااسيلك....عنوانها شاعري
قصيدة شاعرية جدا .....ومسبوكة الكلمات
من اول بيت لاخرها
وإذا شربتيها من الفنجال هيل وزنجبيل =خليني اكتبها على الاوراق شعر وقافية
كرم حاتمي ابوعادل صح لسانك ...و ما اقول غير
وليا انبنى البيت من شاعر اصيل = قلت انقش حروفه على الألواح نقوشن صافية
دمت سااااااااااااااااااااااالما
وماشاء الله تبارك الله