المشاركة الأصلية كتبت بواسطة عبدالاله الحجيري

[poem=font=",6,black,bold,normal" bkcolor="transparent" bkimage="" border="double,4,royalblue" type=1 line=1 align=center use=ex num="0,black""]
حبيتها حب لو تدري بمعياره = يمكن تجيني سوات المزن دفّاقي
قلطتها فالفواد اللي وهج ناره = تزداد مع بلسم الذكرى والاشواقي
عوج المحاني مربّ الريم ودياره = مترعرعٍ فالحشا ما بين الاعماقي
قصر الغرام وشموخ العشق واسواره = دولة وليفٍ عليه البعد منساقي
ليت اتفاق الخليج ورسمة شعاره = ياخذ مـزايا مواثيقه وميثاقي
ادفع ضرايب على قدره و مقداره = ما صار قلب المعنّا سبحة عراقي
مهما جفاني تراني ما احمل اوزاره = محاسنه دوّنت في بيض الاوراقي
تذبل عروق الغلا والحب وازهاره = ما ينعش الورد لو الماء مع الساقي
دام ان ليل المحبه مسدل ستاره = سرمد وشمس المحبّه مالها اشراقي
يلهمني الله طريقٍ سمح واختاره = لو العواقب وخيمه ما بقى باقي[/poem]