المشاركة الأصلية كتبت بواسطة خالد بن مبيريك

[poem=font="times new roman,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياللي على المرأه تجر التحاسيف=وتقول ضايع حقها ومهضومي
تراك مبلشنا بكثر التخاريف=واسمن علومك ماتسد اللزومي
قرقوع وتقرقع على غير تهديف=ياكثر ماترمي علينا الهدومي
ماتدري ان البيت حشمه وتشريف=والله سترها من عيون الرخومي
هذي الشريعه وامرها دوم تكليف=عساك تدري ياردي السلومي
مير الحقيقه مابها اي تزّليف=عزالله انك صدق من ربع تومي
منته من اللي يعمّر العلم للكيف=علمك وفنجالك تراه مخرومي
تبي تجر المسلمه للسفاسيف=ومخالط الاجناب في كل يومي
هبيييت ياللي ماتعرف المعاريف=ومالك على فعل الكرامه عزومي
شيمتك ف . المرقص وضرب المعازيف=ولا مع الساقط عليها ترومي
عميل لــ. ازلام الخرابيط والزيييف=سمسار لك منهم كثير السهومي
واشوم عن بعض السواليف ياحنيف=اشوم مثل الحر يومه يشومي
هذا نصيب اللي عليه التواصيف=ولا الكرامه من نصيب القرومي
واللحيه اللي غانمه مابها حييف=لها كرامتها وحب الخشومي [/poem]