هذه القصيده مجاراه لقصيدة الشاعر /هليل العطافي آمل ان يتقبلها مني بصدر رحب والمعذره على القصور .
قوّ الاراده
[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
الليل طال وعاف قلبي رقاده=والعين ماتقبل من النوم مقدار
من يوم ماعمّق بقلبي وتاده=همٍ مقيمٍ مالفى القلب زوّار
عيا لجام الصبر يكبح عناده=وحلمي عليه يزيده عناد وإصرار
مايفيق قلبي من غياهب هجاده=إلا على صوت المآذن بالأسحار
أبديت لهليل بعض من وداده=وأخفيت عنه أكبر من جبال سنجار
هليل سنام الطيب وايضاً عماده=حُرٍ مجرب نسل شجعان وأحرار
عاقل ومقصودي من العلم صاده=ماسجّ عنه يمين ولا زلّه يسار
وجاني نديبه بعد تم إعتماده=بشعر(إ)تحير منه والله الافكار
مالي عليه ألاّ بقوّ ألإراده=وقّفت هاجوسي له إجلال وإكبار
يامرحبا كُثر الخلايق عداده=باللي عشاني وليّ من ديرته سار
شوفه لي أشهى من النسيم وبراده=وأعذب لنفسي من جنى طيب الاثمار
يقلط بمجلس مايمل إرتياده=وتنساق له دله بها الكيف يندار
وياخذ وجوب الضيف وايضاً زياده=وأصرف له أبيات الشعر صرف بيطار
ياهاجسي لك فالمواقف جلاده=تختار في جزل المعاني ماتحتار
غوص البحور وهات لؤلؤ وغاده=ودرٍ وياقوت وزبرجد ومحّار
نصنع ونتفنن بصنع وإجاده=تاج الشعر رمز الجزاله والابهار
لك ياعميد الشعر فخر العماده=ويبقى لنا عندك هديه وتذكار
الود لامنه فِتَرْ إستعاده=حُسن العتب مايرده الاخذ بالثار
والنار تبقى لو علتها الرماده=ماتنطفي وتشب لاهب الاعصار
واسهل على الرجال خرط الكتاده=من زلةٍ يهرج بها كل ثرثار
والحق سيفٍ لايزال بغماده=ماتسله الا زلةٍ مالها عيار
واللي في نفسي عُذرك اليوم أباده=شرهه وطفّى نارها وبل الاعذار
والصقر مايبرقع في ساعة هداده=ولايهده الصقار في ليل غدّار
ويبقى مدير المنتدى في شداده=يحفظه ربي من صواديف الاقدار
والله يذكّرنا بقول الشهاده=في حزةٍ تشخص بها كل الابصار
[/poem]