يامرحبااا مليون
وبالله نستعين
1 / ضيفتنا العزيزه كيف تعرّفين على نفسك شعريـــاً ؟؟
الفقيره الى الله تعالى : مـــيلاف
أتذوق الشعر ومن المحسوبين عليه
2 / هل تكتبين الخاطره و الشعر الفصيح ؟؟
لا والله لا اجيدها ابداً ... ولكن احترم اصحاب هذا الإبداع
3 / اختي العزيزه . ميلاف . متى ظهــــرت لديك موهبة الشعر ؟؟
موهبة الشعر طلعت عندي فجأه رغم اني في بيئه شعريه بدويه بحته والدي شاعر وخوالي شعراء ايضاً..
كنت احفظ واردد الشعر وانا في سن صغير جداً يمكن 6 او 7 سنوات واحاول اقوله وقتها بس محاولات فاشله اكيد
لكن الكتابه الفعليه منذ مايقارب 9 او 10 سنوات
4 / هل تاثرتي بشاعره معينه وان كان . من هي ؟؟
لا والله ما تأثرت بشاعره معينه ....لأني فالحقيقه تأثرت بالشعراء اكثر من الشاعرات
5 / لـــ. كــــــــل شاعر أجـــــواء يستلهم فيها بنات أفكـــــاره ياترى ماهي
الاجواء التي تناسب شاعرتنا لكتابه الشعر ؟؟
ماعندي اجواء او طقوس محدده ...اهم شي الموقف الذي يستثير الهاجس الشعري دون التقيد بالمكان او الزمان
6 / الشعـــــر هاجس هل تعتقدين بانه يفرض نفسه ام ان الشاعر يحركه متى ماشاء ذلك ؟؟
سؤال وجيه ياشاعرنا خالد
ما اعتقد ان الشاعر قادر على تحريك الهاجس بسهوله ولكنه قادر على إيقافه عندما يتحرك
الهاجس يفرض نفسه لكن متى ما اكان الشاعر مستعد لإستقبال هذا الهاجس نتجت القصيده
لكن احياناً وهذه وجهة نظري الخاصه يحاول الشاعر (لين يموت) ماجاب بيت لأن الهاجس مايساعد ..
وانا تعرضت لمثل هالموقف احيان تطري عليه ابيات بين الاذان والإقامه لان الهاجس شغال
واحيان امسك القلم والورقه واخذ ساعتين ماكتبت شي
وفالنهايه لكل شاعر وجهة نظره
7 / هل تقـــــــــــرأين للشعــــــــــراء القدامى ومن منهم لفت انتباهك بشعره ؟؟
انا اعشق المتنبي
8 / هل تحفظين للشـــــــــــــاعره ( الخنساء ) وان كان نعم اذكري لنا احدى قصائدها ؟؟
انا اقراء للخنساء لكن الحفظ لك عليه
واحب قصيدتها المشهوره في اخيها صخر
[poem=font=",5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قَـذىً بِـعَينِكِ أَم بِـالعَينِ iiعُوّارُ= أَم ذَرَفَت إِذ خَلَت مِن أَهلِها iiالدارُ
كَـأَنَّ عَـيني لِذِكراهُ إِذا iiخَطَرَت= فَـيضٌ يَـسيلُ عَلى الخَدَّينِ iiمِدرارُ
تَبكي لِصَخرٍ هِيَ العَبرى وَقَد وَلَهَت =وَدونَـهُ مِـن جَديدِ التُربِ iiأَستارُ
تَـبكي خُناسٌ فَما تَنفَكُّ ما iiعَمَرَت =لَـها عَـلَيهِ رَنـينٌ وَهـيَ iiمِفتارُ[/poem]
9 / هل ترين بأن الشعــــــر النسائي اثبت وجوده ؟ ؟
الشعر النسائي اثبت وجوده من حيث ان فيه شاعرات مبدعااااات جداً ولكنه فالحقيقه لم يجد الإهتمام او الدعم المساند
10 / شاعره ترين بأنها على رأس قائمة الشعر النسائي ؟؟
يا استاذي فيه شاعرات مبدعات إبداع لا محدود يعني شعرهم ذهب لكن الخلل فالشعر النسائي الان الاسم المستعار
الان الشاعره بحكم المجتمع والعادات ابتعدت عن الاسم الحقيقي واستترت خلف الاسم الاخر
الان فيه شاعرة نجد مبدعه
معاني الشوق موهوبه
سهام العبدلي مميزه (رغم اني ما احب نهجها فالشعر )لكن شااااعره
الشاعره عيده الجهني
وفقيده الشعر النسائي مستوره الاحمدي
وكثير اسماء تستوقفني والله
11 / يقال بأن الشعر النسائي ناعم ويخلو من الحكمه ؟ هل هذا صحيح ؟؟
لا ماهو صحيح
الشاعره مويضي البرازيه رحمها الله شاعره مطيريه معروفه
لها بيت شهير
[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اللي يتوه الليل يرجي النهار= واللي يتوه القايله من يقديه [/poem]
والشاعره عابرة سبيل لها ايضاً فالحكمه باع طويل
وفالمقابل فيه شاعرات بعيدات كل البعد عن الحكمه (ولكل جيل خصوصياته )
12 / اخر قصيدة كتبتيها اتمنى ان تذكريها لنا او ابيات منها ؟؟
أخر قصيده كتبتها بعنوان (جنازه الحلم ) بأعطيك ابيات منها
[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالله عسى خير حظي محرق اعصابي=لاقلت طاب وتعدّل وانضبط ..زفّت
تعبت اجامل واكابر وارضي احبابي=واقول قطرة مطر فوق الثرى جفّت
مدري على حسابهم والا على حسابي=بس الصحيح الهموم تزيد ماخفّت
اليأس دون الأمل واقف على بابي= وجنحان طير السعاده مابعد رفّت[/poem]
13 / من بحور الشعر النبطي . بحر المنكوس , اتمنى ان تذكري لنا مثال على ذالك ؟؟
للأمانه انا ما اعرف للبحور كثير كتابتي للشعر على الفطره لكن حسب معلوماتي ان المنكوس والهلالي الفرق بينهم الإلتزام بقافيه الصدر
مثال من ابياتي انا الظاهر ماعندي والله ما اتذكر
14 / قصيده او ابيات كتبتيها بسبب موقف مؤلم او محزن عشتيه شخصيا ؟؟
حدّث ولا حرج ..
اخر ماكتبت بيتين
[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كل جرح يمرني لازال في صدري محله=وكل مستشفى بعد (بُعدك )تعذر عن علاجي
والله اني ..لا دعيت ..ولا سعيت ..وجت من الله= يالله انك لاتؤخذني ليا روّق مزاجي [/poem]
والثاني قديم :
[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
آه من ضحكة عدوي وانا عيني تشوف=لحظهٍ طاحت دموعي ولا كفيتها
انكسار الاقوياء في نظر عين الضعوف=منه تهتز المقابر ويصرخ ميتها[/poem]
15 / بعض الشعراء يتعمّد ادراج اسماء غريبة وكلمات مندثرة في قصيد ته فهل هذا من الأبداع الشعري ؟؟
هو على حسب القصيده نفسها احيان الشاعر ممكن يكتب قصيده هدفه فيها تضحيك الجمهور ويضف لها اسماء غريبه او صعبه او يضيف لهجات من اجل الجمهور
وعلى فكره ماهو كل شاعر مبدع اذا ماكان الشاعر يعاني من احد امرين (فقد/او فقر ) ماراح يبدع
اللي مافقد شي وشبعان وش يبدع فيه ؟!!
16 / في أي غرض من أغراض الشعر تكمن قوة القصيدة ؟؟
قوة القصيده تكمن في قوة الابداع بغض النظر عن الغرض
17 / ماذا تعرفين عن بحر الكسره وهل لك كتابات فيها ؟؟
أبشرك ما اعرف عنه شي
18 / بيت حكمة من الشعر العامي أعجبك كثيرا ؟؟
[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خلّك شمالي عند زله قرايبك=وعند الحقوق اذا نصنّك حجازي [/poem]
لــ أبن زويبن الحربي
19 / ما الجانب الآخر في شخصيتك والذي تعلينيه هنا لأول مرة ؟؟
والله ماهناك جانب اخر بس الشي اللي ممكن اذكره اني اعيش بدون (تخطيط )على البركه
20 / حيـــــاتك كيف هي بعيدا عن الشعر . ( وقت فراغك - مواهبــــك - ثقافتك )