[frame="10 98"]
بسم الله الرحمن الرحيم
السلام عليكم ورحمة الله وبركاته
القيت هاذي القصيده في زواج الشاب
سعود بن تركي الفقيه السلمي يوم الاربعاء بتاريخ 30/3/1433هـ
بديت باسم الخالق خير معبـــــــــود & اللي جميع الخلق محصي عـــددها
رب (ن) على عرشه حاضر وموجـود & يعلم جميع أسرارنا في جســـــدها
ومن بعدها أقول مبروك ياسعـــــــود & في ليلة (ن) شفنا يذعذع سعدها
الله لعل أيــــامــــك أفــــــــراح وورود & وكل الاماني تــــحــقـق بـــعـــــدها
أبوك تركي صاحب العرف والجــــــود & سقم العداء وعداه متعب جهـــدها
شهم ولد شهم أمعرب أجــــــــدود & من لابة (ن) توعد وتوفي وعـــــدها
والعم مشعل باذل (ن) كل مجـهود & من شانكم روس العلالي صعـــدها
من دونكم درع ولك سيف مجــــرود & مواقفه تعرف وكل (ن) شهــــــدها
وأنا على قولي براهين وشهـــــــود & أشهودي أبيوت شعري سنــــــدها
والمدح لاهل المدح مافيه منقـــــود & وأهل الوفاء والطيب محدن جحـدها
وختم باسم الخالق خيـــــر مـعـبـود & اللي جميع الخلق محصي عــددها
رب (ن) على عرشه حاضر وموجود & يعلم جميع أسرارنا في جســــدها
الشاعر/فيصل بن محمد الجبرتي السلمي
[/frame]