[poem=font=",6,darkred,bold,normal" bkcolor="transparent" bkimage="" border="double,6,firebrick" type=0 line=0 align=center use=ex num="0,black""]
ابدا بذكر الله وارد السلام = على الرجال اللي لهم هيبة وصيت
الغانمين المستقلين الكرام = الفايزين فكل دار وبيت بيت
متوارثين الطيب ما فيها كلام = ابعد من الهقوات يا منهو هقيت
ساس الوفا والمرجلة والاحترام = الرزقني نعم القبيلة لاعتزيت
قبيلة نفخر بها قبلة وشام = نجي لها ليا دعتنا كمبليت
قبيلة في سليم عالين المقام = سليم ابن منصور وبذكره سميت
يشهد لنا التاريخ عامٍ بعد عام = واكبر شهوده فتح مكة لا قريت
مع الرسول المصطفى خير الانام = في الف فارس عن عددهم ما غويت
وانا باسم ربعي جويدين الحزام = حضرت اهنيكم وللواجب عنيت
ربعي ذوي عيد الرياجيل الحشام = شمس ٍ يكفي نورها عن كل ليت
مبروك يا سعد بعد حزت الوسام = ياللي فسوق المرجلة بعت وشريت
كسبتها والنور جلاي الظلام = ما هي غريبة وانت للعليا رقيت
راع الشداد وممسك ازمام الخطام = واكبر فخر انك من المجد ارتويت
فارس ولا يغشاك يا الفارس ملام = على جوادك مسفهل ولا انحنيت
يشهد لك الرمح المطني والحسام = وتشهد لك انجوم السما معها اعتليت
المدح فالطيب مثل ذرو السنام = لانه كفو ماهي بقولة ليت ليت
وختامها صلو على الهادي الامام = نور الهدى وانا على الهدي اقتديت
[/poem]

__________________