[poem=font=",6,black,bold,italic" bkcolor="transparent" bkimage="" border="ridge,8,gray" type=1 line=1 align=center use=sp num="0,black""]
كل ما هبّت من القبله هبوبٍ موسميه=إنشرح صدري وقلت الخير مقبل فحتمالي
وانها تشبه سحابة صيف في وقت العشيه=استوت ثم ارعدت واصبح مطرها عد خالي
حالها حال الرفيق اللي تغشته الزريه=إن حضر كامل مكَمّل وإن نطق مال العقالي
وإن طلبته فاللوازم لاهناك ولاهنيه=ياحسافه دام هذا طبعكم يا راس مالي
الرفيق اللي ورى الزلات له مغزى ونيه=ما يحسّب في كلامه يوم تعطيه المجالي
الرفيق اللي على طول الزمن نفسه رديه=ما يلازمني لو إنه ولد ابو زيد الهلالي
يا وجودي للخوي اللي عرف وقفة خويه=لو يجور بك الزمن يحميك من غدر الليالي
الخوي يفديك ويمهد لك دروبٍ نديه=الخوي يرقابك أعلى النايفات ولا يبالي
يالطيف الحال دنيانا غدت روحه وجيه=الرفيق أمسى مقفي والخوي أصبح موالي
آهـ يا دنيا العنا ما فيك خير ولا جزيه=من غرورك صارو اقرب ناس قسوتهم حلالي[/poem]