[poem=font=",6,black,bold,italic" bkcolor="orange" bkimage="http://www.solaim.com/vb/mwaextraedit2/backgrounds/17.gif" border="none,4," type=2 line=0 align=center use=ex num="0,black""]
يازين مرقاباً للحرار محواش === رقيت به من عقب مال الضلالي

سهلاً مطاريقه تفليه الدباش=== فيه النفل والشيح والغصن مالي

لا نسنس الغربي يجيب لك تنعاش=== وإن هبت الأزيب تعقر الشمالي

نو الثريا صدقت له برشراش===يوم أمس سالت منه كل الجبالي

فيه الحباري والقطا له تغواش=== شهد العسل بالمشرفات الطوالي

سجيت فكري فيه من غير وشواش=== بنسا الزمان الصعب والفكر سالي

وشبيت ناري لين برادها غاش=== وعبرت منها هيلهــا بالدلالي

معي ربوعاً فالسفر كلهم كـاش=== يانعم فيهم يانعم بالرجالي

مابيننا هابي ولا بيننا لاش=== منطوقنا مثل الذهب والريالي

ربعاً تسابقني على كل مطراش=== على مواتر مشتراها بغالي

وممسين بالحره ولمسي على ماش=== صدنا الأوائل ماقنصنا التوالي

حلو الطبيعه ماتصور بلفلاش=== عذباً هواها سـامرياً طرالي
[/poem]