ان كان ودّك بجرحي زهـّب رماحك
..... وانا بزهـّب خفوقي .. ويالله الخيره
اصغر جروحي يساوي جملة جراحك
..... ماشفت جرحي وجرحك .؟بينهم غيره .. !
تطعن خفوقي واطيح وترمي سلاحك
..... وتبكي على طيحتي وتغيـّر السيره
واجيك وامسح دموعك واشعل افراحك
..... واقول من شان عينك تكرم الديره !
ودي اعنّيك .. ولكن قلبي ارتاحك
..... لا قلت ياقلب غيره .. قال ماغيره
المشكله اني بعين الناس ذبـّاحك
..... والحاصل انك تسوق القلب وتديره
لبـّا عنبك .. ولبـّا طعم تفـّاحك
..... ولبـّا تبسـّمك لاجا عقب تكشيره
مير انتبه وانت تطعن توجع رماحك
..... اخاف تزعل علي .. وتترك الديره .. !!
مما راق لي