وفور وصولهم إلى وادي الدواسر اتجهوا لمنزل الدكتور محمد بن مران بن قويد الذي كان في استقبالهم وعدداً من أبناء قبيلة الدواسر, ثم القى الشاعر عبدالله بن عجين الزعبي القصيدة التالية :


سلام الله على شيخٍ سوات الجدي يسرابه
على ابن قويد وابن قويد فيه المدح ينقالي


على شيخٍ فتح صدره على شيخٍ فتح بابه
على شيخٍ يزبن بيته الجايع مع الجالي
على شيخٍ على عتق الرقاب يسوقها اركابه
على شيخٍ على حل الصعيبه دوم حلالي


على شيخٍ الى جاء في المواقف يحسب إحسابه
مهوب اللي يجي ويروح لا والي تالي


على شيخٍ يجمل موقفه ربعه مع اصحابه
ولا ينسى ولا يقسى ولا يفتر ولا يبالي


أسل ارهف بيوت الشعر مثل السيف وجرابه
على جزل المعاني لين تصبح ضرب الامثالي


لفينا والحقيقة من زمانٍ كشر أنيابه
نبي عفو الكرام اللي ليا منها عطت غالي


نبي وجهك نبي جاهك نبي عرفك مع اللابه
بعد ربي على إيدينك تحقق كل الامالي


نعرف ان الدواسر هم هل النخوة هل الجابة
أهل فرض السلوم الطيبة في كل الاحوالي


واليكم القصيدة من مونتاجي واخراجي بالصوت على اليوتيوب ( حصري )

https://www.youtube.com/watch?v=fYFtvOaszN0




وبعد صلاة العصر من اليوم نفسه اتجه الجميع الى منزل الشيخ ظافر بن مشبب الهلقمي, الذي كان في إستقبال الجميع وابنائه الكرام, ثم القى الشاعر عبدالله بن عجين الزعبي القصيدة التالية:


الا يالله ياربي تعينا
طلبتك يامجيب السائلينا


نداء عبدٍ تناوشه المنايا
تجيه أيسار وايضا من يمينا


ولا وقف سواء في باب عفوك
وعفوك هو نجاة المذنبينا


بعد هذي صلاة الله وسلم
على محمد ختام المُرسلينا


نبًي الأمة الغر المُبشر
سراجٍ نوَر الدرب ومشينا


على سلمٍ من سلوم العروبه
لفينا يالرجال الطيبينا


سلومً عزها الدين ورفعها
حميدة من عصور الأولينا


اراد الله وجينا يالدواسر
بليتو ياعرب وايضا بلينا


ولا تبقى عظيمات المصايب
على صبر وصلاة المؤمنينا


سعى ابليس اللعين اللي عقدها
لعنك الله يا أبليس اللعينا


بعد جينا الدواسر والدواسر
تفك ارقاب وتحرر سجينا


دخلنا بوجه ربي جل وجهه
ثُم وجيه الشيوخ المُحسنينا


عليكم يالمخاريم العريبة
هل الواجب على عسرٍ ولينا


عليكم يالمخاريم العريبة
رجالٍ حدكم حد السنينا


عليكم يالمخاريم العريبة
جمعتوها على دنيا ودينا


على رقبةٍ تحت سيف الشريعة
محنا بتحت ربي ميسينا


على رقبةٍ ولو عاشت ما عاشت
ترها في حساب الميتينا


ولا يعطي الرقاب إلا أهلها
ترى في غير أهلها ما تزينا


هذي والله كبيرات العطايا
وهايب ربنا للمُتقينا


في مثل الهلقمي نبغى الوجاهه
بدينا بالعوارف وابتدينا


عليك الله وقفنا يابن هندي
وقفنا يوم أراد الله وجينا


وقلنا ما وجب منا مقاله
على ربي عوين الصابرينا


واليكم القصيدة بالصوت من مونتاجي واخراجي باليوتيوب ( حصري )

https://www.youtube.com/watch?v=4CveLcLOjnk




























وبالنهاية
قبيلة زعب تناشد الشيخ نايف بن هندي والشيخ ظافر الهلقمي وقبيلة المخاريم خاصة والدواسر عامة
بالعفو عن ابنها

للامانة الصور منقولة
الفيديو من انتاجي واخراجي