هذه القصيدة اهداء من والدي
الدكتور مصلح صليح المليطي السلمي
المحاضر بالجامعة العربية المفتوحة بجدة
بمناسبة فوز الشاعر
عوض عايض الجامعي السلمي
بالشاعر الذهبي
و تأهله للجولة الرابعة و العشرين
من مسابقة شاعر المعنى
ما هي غريبه منك ما هي غريبه
سليم مرسى الشعر و العرف والجود
موروث من شيبانهم لل شبيبه
كان الجبرتي مات لازال موجود
موجود بأشعاره و ذكره و طيبه
و أخوه أبو مشعاب رجال معدود
هقوتك مد الشوف ماهي قريبه
تقدر تجي بالسيف لسليم و تزود
الجامعي قدم صداق الخطوبه
بنتاً تنافس حولها قيف و جنود
دامت شداده فوق ظهر النجيبه
و مالي حزامه بالذخيره و بارود
اليا قصد حاجه ولو هي صعيبه
يحصل عليها من بذل كل مجهود
ابشر بوقفات الرجال المهيبه
ربعك سليم اللي لهم يوم مشهود
وفي الخاتمه خير الدعاء ننتهيبه
يا الله تحقق كل مطلب و مقصود
وسلامتكم
قدمها لكم أخوكم :
الأستاذ أحمد مصلح السلمي
ملك الإحساس و القلم